உடல்நலக்குறைவால் காலமானார் பிரபல சித்த வைத்தியர் டாக்டர்.சிவராஜ் சிவக்குமார்!

ஆண்மைக் குறைவு மற்றும் நரம்பு தளர்ச்சி ஆகிய சித்த மருத்துவத்தில் பிரபலமான டாக்டர் சிவராஜ் சிவகுமார் அவர்கள் உடல் நலக்குறைவு காரணமாக இன்று நள்ளிரவு 12 .5 மணியளவில் உயிரிழந்துள்ளார்.

தமிழகம் முழுவதும் உள்ள பல்வேறு தொலைக்காட்சி நிகழ்ச்சிகளில் பங்கேற்று மக்களின் சந்தேகங்களுக்கு விளக்கம் அளிக்கக் கூடிய சித்த வைத்திய நிபுணர் ஆக விளங்கியவர் தான் டாக்டர் சிவராஜ் சிவகுமார். சேலத்தை தலைமை இடமாக கொண்டு இந்தியாவில் ஏழு தலைமுறைகளாக 206 வருடங்களுக்கு மேலாக சித்த மருத்துவத்தில் சாதனை புரிந்து வருகின்ற குடும்பம்தான் சிவராஜ் சித்த வைத்தியரின் குடும்பம். சித்த வைத்தியர் சிவராஜும் ஆண்மை குறைவு மற்றும் நரம்பு தளர்ச்சி காண பல்வேறு சித்த மருத்துவங்களை வழங்கி புகழ் பெற்ற மருத்துவராக விளங்கி வந்தார்.

இந்நிலையில் கடந்த சில நாட்களாக உடல்நிலை சரியில்லாமல் மருத்துவமனையில் அனுமதிக்கப்பட்டு சிகிச்சை பெற்று வந்த சித்த வைத்தியர் சிவராஜ் சிவகுமார் சிகிச்சை பலனின்றி இன்று நள்ளிரவு 12 மணியளவில் உயிரிழந்துள்ளார். இவரது உடல் சேலம் சிவதாபுரத்தில் உள்ள அவரின் பூர்வீக இடம் ஆகிய வீரான அகஸ்தியர் மாளிகையில் தற்போது பொதுமக்கள் அஞ்சலிக்காக வைக்கப்பட்டுள்ளது. சித்த வைத்திய நிபுணர் சிவகுமாரின் மறைவுக்கு பல்வேறு அரசியல் கட்சியினர் மற்றும் முக்கிய பிரமுகர்கள் இரங்கல் தெரிவித்து வருகின்றனர். அவரது நல்லடக்கம் இன்று மாலை நடைபெறும் எனவும் தகவல் வெளியாகியுள்ளது.