லண்டன் சென்ற முதலமைச்சருக்கு விமான நிலையத்தில் எதிர்ப்பு !மாற்றுப்பாதையில் சென்ற முதலமைச்சர் ?

லண்டன் சென்ற முதலமைச்சர் பழனிசாமிக்கு எதிராக  ஆர்ப்பாட்டம் நடைபெற்றுள்ளது.

தமிழக முதலமைச்சர் பழனிசாமி வெளிநாட்டு முதலீடுகளை ஈர்க்க நேற்று சென்னையில் இருந்து லண்டன் புறப்பட்டு சென்றார்.இந்த நிலையில் லண்டனில் உள்ள ஹீத்ரே விமான நிலையத்தில் முதலமைச்சர் பழனிசாமி மற்றும் அவருடன் சென்ற அமைச்சர் விஜயபாஸ்கருக்கு எதிராக ஆர்ப்பாட்டம் நடத்தினார்கள்.

தமிழகத்தின்  முக்கிய பிரச்சினைகளாக கருதப்படும் நீட் மற்றும் புதிய கல்வி கொள்கை ஆகியவற்றை கண்டித்து பெரியார் அம்பேத்கர் படிப்பு வட்டத்தைச் சேர்ந்தவர்கள் அமைதி வழி கருத்து பரப்புரை ஆர்ப்பாட்டத்தில் ஈடுப்பட்டனர்.

பெரியார் அம்பேத்கர் படிப்பு வட்டத்தைச் சேர்ந்தவர்கள் இது தொடர்பாக வெளியிட்ட வீடியோவில், நீட் மற்றும் புதிய கல்வி கொள்கைக்கு  எதிராக போராட வந்ததாக தெரிவித்தனர். இதனைத்தொடர்ந்து முதலமைச்சர் பழனிசாமி  மற்றும் அமைச்சர் விஜயபாஸ்கர் மாற்று வழியில் சென்றதாக வீடியோவில்  தகவல் தெரிவிக்கப்பட்டுள்ளது.