சிப்காட் ஊழியர்களுக்கு ஊதியத்துடன் விடுமுறை- அறிவிப்பு!

சிப்காட் தொழிற்சாலைகள் தங்களது ஊழியர்களுக்கு சம்பளத்துடன் விடுப்பு அறிவித்துள்ளது.

உலகளவில் கொரோனா வைரஸ் நோயால் உயிரிழந்தோர் எண்ணிக்கை 14,613 ஆக அதிகரித்துள்ளது.மேலும் 192 நாடுகளுக்கு வேகமாக பரவிய நிலையில் கொரோனாவால் பாதிக்கப்பட்டோர் எண்ணிக்கை 3,36,075 ஆக உயர்ந்துள்ளது.அதே போல் கொரோனாவால் பாதிக்கப்பட்டு குணமடைந்தவர்களின் எண்ணிக்கை 97,636 ஆக அதிகரித்துள்ளது.இந்நிலையில் இந்தியாவில் பாதிக்கப்பட்டோரின் எண்ணிக்கை 400ஐ தொட்டுவிட்ட நிலையில் உயிரிழப்புகளும் அதிகரித்து வருகின்றது.இந்நிலையில் கொரோனா வைரஸை கட்டுப்படுத்த மத்திய,மாநில அரசுகள் இணைந்து பல நடவடிக்கைகளை மேற்கொண்டு வருகிறது.இதன் ஒரு பகுதியாக தமிழகத்தில் பள்ளி,திரையரங்கு,வணிக வளாகங்கள் உள்ளிட்டவைகளை மார்ச்31.,வரை மூட முதல்வர் பழனிச்சாமி உத்தரவிட்டு இருந்தார்.தற்போது திருவண்ணாமலை மாவட்டம் செய்யாறு அருகே இயங்கி வரும் சிப்காட் தொழிற்சாலைகள் தங்களது ஊழியர்களுக்கு சம்பளத்துடன் கூடிய விடுப்பு அறிவித்துள்ளது. இது குறித்து தெரிவித்துள்ள அந்நிறுவனம் கொரோனா தடுப்பு நடவடிக்கையாக மார்ச்., 31 வரை சிப்காட் ஆலைகள் ஊழியர்களுக்கு சம்பளத்துடன் விடுப்பு தரப்படுவதாக தெரிவித்துள்ளது.