#IPL2020: சென்னை அணி 20 ரன்கள் வித்தியாசத்தில் வெற்றி.!

இன்றைய 29-வது போட்டியில் சன்ரைசர்ஸ் ஹைதராபாத் Vs சென்னை சூப்பர் கிங்ஸ் அணிகள் மோதியது. இப்போட்டி துபாய் சர்வதேச மைதானத்தில் நடைபெற்றது. இந்த போட்டியில் டாஸ் வென்ற சென்னை அணி பேட்டிங் தேர்வு செய்தது.

சென்னை அணியின் தொடக்க வீரர்களாக சாம் கரண், டு பிளெசிஸ் களமிறங்கினார். ஆட்டம் தொடக்கத்திலே டு பிளெசிஸ் டக் அவுட் ஆனார். இதைத் தொடர்ந்து, ஷேன் வாட்சன் களமிறங்கினார்.

சிறப்பாக விளையாடி வந்த சாம் கரண் 31 ரன் எடுத்து விக்கெட்டை இழந்தார். பின்னர், அம்பதி ராயுடு இறங்க வாட்சன் உடன் இணைந்து அணியின் எண்ணிக்கையை உயர்த்தினர். சிறப்பாக விளையாடி வந்த இருவரும் அரைசதம் அடிக்காமல் அம்பதி ராயுடு 41, வாட்சன் 42 ரன் எடுத்து வெளியேறினர். அடுத்து இறங்கிய தோனி 21 ரன்கள் எடுத்தார்.

இறுதியாக சென்னை அணி 20 ஓவர் முடிவில் 6 விக்கெட்டை இழந்து 167 ரன்கள் எடுத்தனர். 168 ரன்கள் இலக்குடன் ஹைதராபாத் அணியின் தொடக்க வீரர்களாக வார்னர், ஜானி பேர்ஸ்டோவ் இருவரும் இறங்கினர். ஆட்டம் தொடக்கத்திலே வார்னர் 9 ரன்னில் விக்கெட்டை இழந்தார்.

இதைத்தொடர்ந்து, இறங்கிய மனிஷ் பாண்டே வந்த வேகத்தில் 4 ரன் எடுத்து நடை கட்டினார். பின்னர், இறங்கிய கேன் வில்லியம்சன் நிதானமாக விளையாடி அரைசதம் அடித்து 57 ரன்கள் குவித்தார். பின்னர், இறங்கிய அனைத்து வீரர்களும் சொற்ப ரன்களில் வெளியேற இறுதியாக ஹைதராபாத் அணி 20 ஓவர் முடிவில் 8 விக்கெட்டை இழந்து 147 ரன்கள் எடுத்து 20 ரன் வித்தியாசத்தில் தோல்வியை தழுவியது.