CSK vs KKR,IPL 2021: டாஸ் வென்ற கொல்கத்தா..பவுலிங்கில் தெறிக்க விடுமா சென்னை அணி..!

CSK vs KKR:ஐபிஎல்லின் இன்றைய 38 வது போட்டியில் டாஸ் வென்ற கொல்கத்தா நைட் ரைடர்ஸ் பேட்டிங்கை தேர்வு செய்தது.

இந்தியன் பிரீமியர் லீக்கின் (ஐபிஎல்) 38 வது போட்டியில்,இன்று மகேந்திர சிங் தோனி தலைமையிலான சென்னை சூப்பர் கிங்ஸ் (சிஎஸ்கே) அணியானது,மோர்கன் தலைமையிலான கொல்கத்தா நைட் ரைடர்ஸ் (கே.கே.ஆர்) அணியை எதிர்கொள்கிறது.

அதன்படி,இன்று மாலை 3.30 மணிக்கு,அபுதாபி ஷேக் சயீத் ஸ்டேடியத்தில் சென்னை மற்றும் கொல்கத்தா அணிகளுக்கிடையிலான போட்டி நடைபெறவுள்ளது. இதுவரை சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் இணைந்து 26 ஆட்டங்களில் விளையாடியுள்ளன. அதில், 15 போட்டிகளில் சிஎஸ்கே வெற்றி பெற்றுள்ளது.மறுபுறம், கேகேஆர் ஒன்பது ஆட்டங்களில் மட்டுமே வெற்றி பெற்றுள்ளது.

இந்த நிலையில்,ஐபிஎல்லின் இன்றைய 38 வது போட்டியில் டாஸ் வென்ற கொல்கத்தா நைட் ரைடர்ஸ் பேட்டிங்கை தேர்வு செய்தது.கொல்கத்தா அணி இன்று சென்னையை வீழ்த்துமா? என்று எதிர்பார்ப்பு எழுந்துள்ளது.

சென்னை சூப்பர் கிங்ஸ் லெவன் அணி:

ருதுராஜ் கெய்க்வாட், ஃபாஃப் டு ப்ளெசிஸ், மொயீன் அலி, அம்பதி ராயுடு, சுரேஷ் ரெய்னா, எம்எஸ் தோனி (w/c), ரவீந்திர ஜடேஜா, சாம் கர்ரன், ஷர்துல் தாக்கூர், தீபக் சாஹர், ஜோஷ் ஹேசில்வுட்.

கொல்கத்தா நைட் ரைடர்ஸ் லெவன் அணி:

சுப்மன் கில், வெங்கடேஷ் ஐயர், ராகுல் திரிபாதி, இயோன் மோர்கன் (இ), நிதிஷ் ராணா, தினேஷ் கார்த்திக் (வ), ஆண்ட்ரே ரசல், சுனில் நரைன், லோக்கி பெர்குசன், வருண் சக்கரவர்த்தி, பிரசித் கிருஷ்ணா.