[file image]
ஐசிசி ஒருநாள் உலக கோப்பை தொடர் கடந்த 30ம் தேதி தொடங்கி நடைபெற்று வரும் நிலையில், இன்று 11வது லீக் போட்டியில் நியூசிலாந்து – வங்கதேசம் அணிகள் பலப்பரீட்சை நடத்துகிறது. இப்போட்டி சென்னை சேப்பாக்கம் மைதானத்தில் நடைபெறுகிறது. அகமதாபாத்தில் உள்ள நரேந்திர மோடி மைதானத்தில் நடைபெற்ற உலகக்கோப்பை தொடரின் முதல் லீக் போட்டியில் நடப்பு சாம்பியன் அணியான இங்கிலாந்தை வீழ்த்தி, நியூசிலாந்து அணி 9 விக்கெட் வித்தியாசத்தில் அபார வெற்றியுடன் தனது பயணத்தை தொடங்கியது.
இதன்பின், அக்.9ம் தேதி ஹைதராபாத்தில் உள்ள ராஜீவ் காந்தி சர்வதேச மைதானத்தில் நடைபெற்ற போட்டியில் நெதர்லாந்து அணியை வீழ்த்தி, நியூசிலாந்து 99 ரன்கள் வித்தியாசத்தில் வெற்றி பெற்றது. உலகக்கோப்பை தொடரின் லீக் போட்டியில் தொடர்ந்து இரண்டு வெற்றியை பதிவு செய்து புள்ளி பட்டியலில் 2வது இடத்தில் உள்ளது நியூசிலாந்து. தற்போது ஹாட்ரிக் வெற்றிக்காக வங்கதேசத்துக்கு எதிரான இன்றைய போட்டியில் களமிறங்குகிறது.
இதுபோன்று, வங்கதேசம் அணியை பொறுத்தவரையில், இரண்டு லீக் போட்டிகளில் விளையாடி ஒன்றில் மட்டும் வெற்றி பெற்றுள்ளது. இதனால், இன்றைய போட்டி அவர்களுக்கு முக்கியமானதாக பார்க்கப்படுகிறது. மேலும், இரு அணிகளும் இதுவரை நடந்த உலக கோப்பை போட்டிகளில் 5 முறை நேருக்கு நேர் மோதியுள்ளது. அதில், அனைத்து போட்டிகளிலும் நியூசிலாந்து அணியே வென்றுள்ளது. இதனால் இன்றைய வங்கதேசத்துக்கு எதிரான போட்டியில் நியூசிலாந்தின் கைகள் தான் உயரும் எனவும் எதிர்பார்க்கப்படுகிறது.
இந்த நிலையில், சென்னை சேப்பாக்கம் மைதானத்தில் நடைபெறும் வங்கதேசத்துக்கு எதிரான லீக் போட்டியில் நியூசிலாந்து அணி டாஸ் வென்று பவுலிங்கை தேர்வு செய்துள்ளது. குறிப்பாக முதல் இரண்டு ஆட்டங்களில் கேன் வில்லியம்சன் இல்லாததால், டாம் லாதம் நியூசிலாந்து கேப்டனாக செயல்பட்டார். இன்றைய போட்டியில் கேன் வில்லியம்சன் இடம்பெற்றுள்ளதால் மீண்டும் நியூசிலாந்து கேப்டனாக செயல்படுகிறார்.
பங்களாதேஷ் (விளையாடும் XI): லிட்டன் தாஸ், தன்சித் ஹசன், நஜ்முல் ஹொசைன் சாண்டோ, மெஹிதி ஹசன் மிராஸ், ஷாகிப் அல் ஹசன் (கேப்டன்), முஷ்பிகுர் ரஹீம் (விக்கெட் கீப்பர்), தவ்ஹித் ஹிரிடோய், மஹ்முதுல்லா, தஸ்கின் அகமது, ஷோரிஃபுல் இஸ்லாம், முஸ்தாபிசுர் ரஹ்மான் ஆகியோர் உள்ளனர்.
நியூசிலாந்து (விளையாடும் XI): டெவோன் கான்வே, ரச்சின் ரவீந்திரா, கேன் வில்லியம்சன் (கேப்டன்), டேரில் மிட்செல், டாம் லாதம் (விக்கெட் கீப்பர்), க்ளென் பிலிப்ஸ், மார்க் சாப்மேன், மிட்செல் சான்ட்னர், மாட் ஹென்றி, லாக்கி பெர்குசன், டிரென்ட் போல்ட் ஆகியோர் உள்ளனர்.
டெல்லி : 2024 டி20 உலகக்கோப்பை இறுதிப்போட்டியில் இந்திய அணி சிறப்பாக விளையாடி கோப்பையை வென்றது இன்னும் ஒரு மறக்க முடியாத…
கடலூர் : மாவட்டம் சிதம்பரத்தில் அதிர்ச்சியடைய வைக்கும் வகையில் சம்பவம் ஒன்று நடந்துள்ளது. மடப்புரம் பகுதியில் தன்னுடைய குடும்பத்துடன் அர்ஜுனன் என்ற…
மத்தியப் பிரதேசம் : மாநிலத்தின் முதல்வர் கான்வாயில் இருந்த வாகனங்கள், ஜூன் 26, 2025 அன்று ரத்லம் மாவட்டத்தில் நடுவழியில்…
சென்னை : கோக்கைன் போதைப்பொருள் பயன்படுத்தியதாக நடிகர் ஸ்ரீகாந்த் கைது செய்யப்பட்டுள்ள நிலையில், வழக்கின் விசாரணை மேலும் தீவிரமடைந்து அடுத்தகட்டமாக இந்த…
ஈரான் : இஸ்ரேல் மற்றும் ஈரான் இரண்டு நாட்டிற்கும் இடையே எழுந்த போரின் காரணமாக பெரும் பதற்றம் ஏற்பட்டிருந்தது. அந்த பதற்றத்தை…
சென்னை : தமிழ்நாடு அரசுப் பள்ளிகளில் மாணவர்கள் தவறாமல் தண்ணீர் குடித்து உடலை நீரேற்றமாக வைத்திருக்க உதவும் ‘வாட்டர் பெல்’ திட்டம்…
