டென்னிஸில் தங்கம் வென்றது ருதுஜாவுக்கும் எனக்கும் ஒரு பெரிய தருணம்..! தடகள வீரர் ரோஹன் போபண்ணா

Rohan Bopanna [Image source : ANI]

சீனாவின் ஹாங்சோவ் நகரில் ஆசிய விளையாட்டுப் போட்டியின் 19வது பதிப்பு ஆனது நடைபெற்று வருகிறது. அந்த வகையில் 7வது நாளாக நடைபெற்று வரும் ஆசிய விளையாட்டுப் போட்டியில், இன்று மதியம் நடைபெற்ற டென்னிஸ் கலப்பு இரட்டையர் பிரிவில் இந்தியா தங்கம் வென்றது.

டென்னிஸ் கலப்பு இரட்டையர் பிரிவில் இந்தியா சார்பாக ரோஹன் போபண்ணா மற்றும் ருதுஜா போசலே ஜோடி, சீன தைபே நாட்டைச் சேர்ந்த என்-சுவோ, சுங்-ஹாவ் ஜோடி விளையாடியது. இதில் 2-6, 6-3, 10-4 செட்கள் என்ற கணக்கில் புள்ளிகளை எடுத்தனர்.

2 செட்களில் முன்னிலை பெற்ற இந்தியா தைவானை வீழ்த்தி, டென்னிஸ் கலப்பு இரட்டையர் பிரிவில் தங்கப்பதக்கத்தை வென்றது. இதனால் பதக்கப் பட்டியலில் இந்தியாவிற்கு மேலும் ஒரு தங்கம் சேர்ந்தது. தற்போது இந்த போட்டியில் வெற்றி பெற்ற தடகள வீரர் ரோஹன் போபண்ணா செய்தியாளரிடம் பேசியுள்ளார்.

அவர் கூறியதாவது, “மிகவும் பெருமையாக உள்ளது. இந்திய விளையாட்டுகள் வளர்ந்து வருவதாக நான் நினைக்கிறேன். டென்னிஸ் வளர்ந்து வருகிறது. நாங்கள் அனைத்தையும் சமாளித்து விளையாடியதால் டென்னிஸில் தங்கப் பதக்கங்களை வெல்ல முடித்தது. டென்னிஸில் தங்கம் வென்றது ருதுஜாவுக்கும் எனக்கும் ஒரு பெரிய தருணம்.”

“அரசாங்கமும் கூட்டமைப்பும் வழங்கும் சிறிதளவு ஆதரவு இவ்வளவு பெரிய மாற்றத்தை ஏற்படுத்துகிறது என்பதை இது காட்டுகிறது. நான் அடுத்த ஆசிய விளையாட்டுப் போட்டிகளில் விளையாடப் போவதில்லை,.அதனால் விளையாட்டு வீரர்களின் கிராமத்தில் உள்ள சூழலை அனுபவித்து வருகிறேன்.” என்று கூறினார்.

மேலும், இந்த ஆசிய விளையாட்டுப் போட்டியில் இந்தியா இதுவரை நடந்த போட்டிகளில் 10 தங்கம், 13 வெள்ளி, 13 வெண்கலப்பதக்கங்களை வென்று பதக்கப்பட்டியலில் 4-வது இடத்தில் உள்ளது. கடந்த ஆசிய விளையாட்டு போட்டியில் இந்தியா 16 தங்கம் உட்பட 70 பதக்கங்கள் வென்று பதக்க பட்டியலில் 8 வது இடத்தை பிடித்தது என்பது குறிப்பிடத்தக்கது.