Pixel 7a and Pixel 7 [Image source : Stuff]
மிகப்பெரிய ஷாப்பிங் நிகழ்வுகளில் ஒன்றான ஃபிளிப்கார்ட் பிக் பில்லியன் டேஸ் விற்பனை ஆனது அக்டோபர் 8ம் தேதி முதல் தொடங்க உள்ளது. இந்த நிலையில் ஆப்பிள், சாம்சங், விவோ, மோட்டோரோலா மற்றும் பல முன்னணி பிராண்டுகளில் விற்பனைக்கு வரும் ஸ்மார்ட்போன்களுக்கான சில தள்ளுபடி விலைகளை பிளிப்கார்ட் வெளிப்படுத்தத் தொடங்கியுள்ளது.
அந்த வகையில், ‘சேல் பிரைஸ் லைவ்’ என்ற அம்சத்தின் மூலம் கூகுள் பிக்சல் 7 மற்றும் கூகுள் பிக்சல் 7ஏ ஆகிய இரண்டு ஸ்மார்ட்போன்களுக்கான சலுகை விலையை பிளிப்கார்ட் அறிவித்துள்ளது. இதில் பிக்சல் 7ஏ ஸ்மார்ட்போன் இந்த ஆண்டு மே மாதம் 11ம் தேதி இந்தியாவில் அறிமுகமாகி ரூ.43,999 ஆக விற்பனையாகி வருகிறது.
அதோடு கடந்த 2022ம் ஆண்டு அக்டோபர் மாதம் 13ம் தேதி அறிமுகமான கூகுள் பிக்சல் 7 ஸ்மார்ட்போன் தற்போது ரூ.41,999 ஆக விற்பனையாகி வருகிறது. இந்த நிலையில் பிக் பில்லியன் டேஸ் சலுகையில் இந்த இரண்டு ஸ்மார்ட்போன்களின் விலையானது குறைக்கப்பட்டு விற்பனையாக உள்ளது.
அதன்படி, கூகுள் பிக்சல் 7ஏ ஸ்மார்ட்போனில் 8ஜிபி ரேம் + 128 ஜிபி இன்டெர்னல் ஸ்டோரேஜ் கொண்ட வேரியண்ட் விலையானது ரூ.31,499 ஆக குறைக்கப்பட்டுள்ளது. இது கிட்டத்தட்ட 12,500 ரூபாய் குறைக்கப்பட்டுள்ளது. அதே போல, கூகுள் பிக்சல் 7 ஸ்மார்ட்போனில் 8 ஜிபி ரேம் + 128 ஜிபி இன்டெர்னல் ஸ்டோரேஜ் கொண்ட வேரியண்ட் விலையானது ரூ.36,499 ஆக குறைக்கப்பட்டுள்ளது.
இது கிட்டத்தட்ட ரூ.5,500 குறைக்கப்பட்டுள்ளது. இன்னும் கூடுதலாக ரூ.1,500 எக்ஸ்சேஞ்ச் ஆஃபர் மற்றும் வங்கி சலுகைகள் உள்ளது. சேல் பிரைஸ் லைவ் என்பது ஃபிளிப்கார்ட் பிக் பில்லியன் டேஸ் விற்பனையின் ஒரு பகுதியாக உள்ளது. இது கடந்த செப்டம்பர் 27ம் தேதி முதல் தொடங்கி நடைபெற்று வருகிறது.
சேல் பிரைஸ் லைவ்வில் நீங்கள் ஒரு ஸ்மார்ட்போனை வாங்குகிறீர்கள் என்றால் அதற்கு பல சலுகைகள் உள்ளன. அதன்படி, நீங்கள் வாங்கும் ஸ்மார்ட்போன் ரூ.19,999 ஆக இருந்தால், அதன் விற்பனை விலை ரூ,15,999 ஆகும். இதில் எக்ஸ்சேஞ்ச் ஆஃபராக ரூ.5,000 வரை தள்ளுபடி, வங்கி சலுகையில் ரூ.1,000 தள்ளுபடி என மொத்தமாக ரூ.6,000 குறைக்கப்பட்டு, இறுதியான விற்பனை விலை ரூ.9,999 ஆக இருக்கும்.
இதற்கு நோ காஸ்ட் இஎம்ஐ வசதியும் உள்ளது. இதில் மாதம் ரூ.2,499 செலுத்தி உங்கள் ஸ்மார்ட்போனை பெற்றுக்கொள்ளலாம். மேலும், இந்த பிளிப்கார்ட் பிக் பில்லியன் டேஸ் விற்பனை ஆனது அக்டோபர் 8ம் தேதி வரை நடைபெற உள்ளது என்பது குறிப்பிடத்தக்கது.
தூத்துக்குடி: தஞ்சாவூரில் இருந்து திருமண நிகழ்ச்சி ஒன்றிற்காக பயணித்து சாத்தான்குளம் வட்டம், மீரான்குளம் பகுதியில் சாலையோரமாக இருந்த 50 அடி…
பெங்களூர் : இந்தியா, பாகிஸ்தான் தாக்குதலால் நிறுத்தப்பட்ட ஐபிஎல் தொடர் மீண்டும் இன்று ராயல் சேலஞ்சர்ஸ் பெங்களூரு (RCB) அணி…
சென்னை : திருவான்மியூர் - தரமணி சாலையில் திடீரென ஏற்பட்ட பள்ளத்தில் கார் கவிழ்ந்து விபத்துக்குள்ளானதால் பரபரப்பு ஏற்பட்டது. சென்னையின்…
ஹரியானா : ஆபரேஷன் சிந்தூர் தொடங்கப்பட்டதிலிருந்து இந்தியாவை உளவு பார்த்ததாகவும், பாகிஸ்தானின் ஐஎஸ்ஐக்கு தகவல்களை வழங்கியதாகவும் கூறி, ஹரியானாவில் இதுவரை…
பெங்களூர் : இந்தியா-பாகிஸ்தான் எல்லை பதட்டங்கள் காரணமாக 10 நாள் இடைவெளிக்குப் பிறகு ஐபிஎல் போட்டிகள் மீண்டும் தொடங்கவுள்ள நிலையில்,…
சீனா : 2019 ஆம் ஆண்டில் உலகையே உலுக்கிய கொரோனா வைரஸ் தொற்று, ஆசியாவின் சில பகுதிகளில் மீண்டும் பரவி…
