தளபதி விஜய்க்கு போட்டியாக களமிறங்கும் மக்கள் செல்வனின் சங்கத்தமிழன்!
இந்த தீபாவளி அன்று தளபதி விஜய் நடிக்கும் பிகில் திரைப்படம் வெளியாக உள்ளது. இந்த படத்தை அட்லி இயக்கியுள்ளார். ஏ.ஜி.எஸ் பட நிறுவனம் தயாரித்துள்ளது. A.R.ரகுமான் இசையமைத்துள்ளார். நயன்தாரா, கதிர், விவேக், யோகி பாபு என பலர் இப்படத்தில் நடித்துள்ளனர். இப்படம் பெண்கள் கால்பந்து ஆட்டத்தை மையப்படுத்தி எடுக்கப்பட்டு வருகிறது.
அதே தீபாவளி தினத்தில் தற்போது மக்கள் செல்வன் விஜய் சேதுபதி நடித்து வரும் சங்கத்தமிழன் திரைப்படமும் வெளியாகும் என தற்போது அறிவிப்பு வெளியாகி உள்ளது. இந்த படத்தை, ஸ்கெட்ச் படத்தை இயக்கிய விஜய்சந்தர் இயக்கியுள்ளார். மாஸ் மசாலா ஆக்ஷன் படமாக இப்படம் உருவாகியுள்ளது.
தற்போது வரை தமிழ் திரையுலகில் இரு முன்னணி ஹீரோக்கள் படம் தீபாவளிக்கு வெளியாவது உறுதியாகியுள்ளது. இன்னும் தனுஷின் பட்டாஸ், கார்த்தி நடிக்கும் கைதி திரைப்படமும் தீபாவளிக்கு வெளியாகும் என எதிர்பார்க்கப்படுகிறது.
