விக்ரம் படத்தில் விஜய் சேதுபதிக்கு ஜோடியாக ஷிவானி.!?

விக்ரம் படத்தில் விஜய் சேதுபதிக்கு ஜோடியாக ஷிவானி நாராயணன் நடிக்க கமிட் ஆகியுள்ளதாக தகவல்கள் கசிந்துள்ளது.

தமிழ் திரைப்பட சின்னத்திரை நடிகை மற்றும் பிரபல மாடல் அழகியான ஷிவானி நாராயணன். தனியார் தொலைக்காட்சியில் ஒளிபரப்பான பிக் பாஸ் மூலம் மிகவும் பிரபலமானார். தொடர்ந்து சின்னத்திரை தொடர்களில் நடித்து வரும் இவர், சமீப காலமாக தனது இன்ஸ்டா பக்கத்தில் புகைப்படங்களை வெளியிட்டு ரசிகர்களை ஈர்த்து வருகிறார்.

தமிழ் மற்றும் தெலுங்கு சினிமாவில் இவருக்கென்று தனி ரசிகர்கள் பட்டாளமே உள்ளது. இந்த நிலையில், தற்போது ஷிவானி ஹீரோயினாக தமிழ் சினிமாவில் அறிமுகமாகவுள்ளதாக கூறப்படுகிறது.

அதாவது, இயக்குனர் லோகேஷ் கனகராஜ் இயக்கத்தில் கமல்ஹாசன் – விஜய் சேதுபதி- பஹத்பாசில் ஆகியோர் கூட்டணியில் உருவாகும் விக்ரம் படத்தில் விஜய் சேதுபதிக்கு ஜோடியாக நடிக்க கமிட் ஆகியுள்ளதாக தகவல்கள் கசிந்துள்ளது. விரைவில் இதற்கான அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது.

இந்த திரைபடத்தை நடிகர் கமல்ஹாசன் தனது சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தயாரிக்கிறார். படத்திற்கு இசையமைப்பாளர் அனிருத் இசையமைத்து வருகிறார். படத்தின் படப்பிடிப்பு கரைக்குடியில் விரைவில் தொடங்கப்படவுள்ளது.