50 லிருந்து 51 லட்சமாக உயர்ந்த கொரோனா பாதிப்பு.!

உலகளவில் கொரோனா வைரசால் பாதித்தோரின் எண்ணிக்கை 51,01,476 ஆகவும், உயிரிழந்தவர்களின் எண்ணிக்கை 329,903 ஆகவும் உயர்ந்துள்ளது.

உலகம் முழுவதும் கொரோனா வைரஸின் தாக்கம் நாளுக்கு நாள் அதிகரித்து கொண்டே தான் செல்கிறது. இதனால் உலக நாடுகள் பல்வேறு முன்னெச்சரிக்கை நடவடிக்கைகள் எடுக்கப்பட்டு வருகிறது. உலகளவில் கொரோனா பாதிப்பு காலை நிலவரப்படி 50,85,666 பேர் பாதிக்கப்பட்டு, 3,29,736 பேர் உயிரிழந்துள்ளனர். வைரஸில் இருந்து குணமடைந்தவர்களின் எண்ணிக்கை 2,021,673 ஆக இருந்தது. தற்போது, கொரோனா பாதிப்பு 50 லட்சத்திலிருந்து 51 லட்சமாக அதிஹகரித்துள்ளது. 

தற்போதைய நிலவரப்படி, உலகளவில் கொரோனா வைரசால் பாதித்தோரின் எண்ணிக்கை 51,01,476 ஆகவும், உயிரிழந்தவர்களின் எண்ணிக்கை 329,903 ஆகவும் உயர்ந்துள்ளது. இதுவரை வைரஸில் இருந்து 20,33,672 பேர் மீண்டுள்ளனர். மேலும், மருத்துவமனையில் 27,37,901 பேர் சிகிச்சை பெற்று வருகின்றனர். அதில், 45,795 பேரின் நிலைமை மோசமாக உள்ளது. நேற்று ஒரே நாளில் உலகம் முழுவதும் புதிதாக 99,724 பேர்  பாதிக்கப்பட்டுள்ளதுடன், 4740 பேர் ஒரே நாளில் உயிரிழந்துள்ளனர் என்பது குறிப்பிடத்தக்கது.