மாஸ்டர் படத்தை பார்த்துவிட்டு தளபதி என்ன கூறினார் தெரியுமா..?

நடிகர் விஜய், தற்போது நடித்து முடித்துள்ள திரைப்படம் மாஸ்டர்.இந்த படத்தை மாநகரம், கைதி உள்ளிட்ட வெற்றி படங்களை இயக்கிய லோகேஷ் கனகராஜ் இயக்குகிறார்.

இப்படத்தின் கதாநாயகியாக மாளவிகா மோகன் நடிக்கிறார். மேலும் விஜய் சேதுபதி வில்லனாகவும் , சாந்தனு, ஆண்ட்ரியா, கௌரி கிஷன், தீனா, அர்ஜுன் தாஸ் ஆகியோர் முக்கிய வேடங்களிலும் நடித்துள்ளனர். அனிருத்தின் இசையமைப்பில் வெளியான அனைத்து பாடல்களும் டிரெண்டிங்கில் உள்ளது.

ஏப்ரல் மாதத்தில் திரைக்கு வரவிருந்த இந்த படம் பரவி வரும் கொரோனா வைரஸ் காரணமாக படத்தின் ரிலீஸ் பொங்கலுக்கு தள்ளி வைக்கப்பட்டுள்ளது தளபதியின் படம் எப்போது ரிலீஸ் செய்யப்பட்டாலும் ரசிகர்கள் கொண்டாடுவார்கள் என்பதில் சந்தேகம் இல்லை.

இந்த நிலையில் மாஸ்டர் திரைப்படத்தை நடிகர் விஜய் பார்த்துவிட்டு இயக்குனர் லோகேஷ் கனகராஜை வாழ்த்தி தனது அடுத்த பட கதையை ரெடி செய்ய கூறியதாக தகவல்கள் வெளியாகியுள்ளது.