நிஜத்தில் அஜித் சார் தான் எனக்கு வாத்தியார் – வேம்புலி.!

நிஜத்தில் அஜித் சார் தான் எனக்கு வாத்தியார் என நடிகர் ஜான் கொக்கன்  தெரிவித்துள்ளார். 

பா.ரஞ்சித் இயக்கத்தில் கடந்த ஜூலை 22-ஆம் தேதி அமேசான் பிரேமில் வெளியான திரைப்படம் சார்பட்டா பரம்பரை. இந்த படத்தில் ஜான் கொக்கன் வேம்புலி கதாபாத்திரத்தில் நடித்திருந்தார். இவரது கதாபாத்திரம் ரசிகர்களுக்கு மத்தியில் பெரிதளவில் பேசப்பட்டது. அதனை தொடர்ந்து “வெம்புலி” கதாபாத்திரத்தை அஜித்திற்கு அர்ப்பணிக்கிறேன் எனவும் கூறியிருந்தார். இந்நிலையில், சமீபத்தில் அளித்த பேட்டி ஒன்றில் அஜித் பற்றி பேசியுள்ளார்.

இது குறித்து அவர் கூறியது” அஜித் சார் சார்பட்டா பரம்பரை படத்தை பார்த்தாரா என்பது எனக்கு தெரியாது. ஆனால், படம் வெளியானதும் போன் செய்து சார்பட்டா பற்றியும் உங்கக் கதாபாத்திரம் பற்றியும் கேள்விப்பட்டேன். ரொம்ப ஹேப்பியா இருக்கு ஜான்” என பாராட்டியதாக நிஜத்தில் அஜித்சார்தான் எனக்கு வாத்தியார்.” என நடிகர் ஜான் கொக்கன் தெரிவித்துள்ளார்.