சீனாவில் டேங்கர் லாரி வெடித்து விபத்து.. 19 பேர் உயிரிழந்த சோகம்!
சீனாவில் திரவ எரிவாயுவை ஏற்றிக் கொண்டு சென்ற டேங்கர் லாரி, வீடுகள் மற்றும் தொழிற்சாலைகள் மீது மோதிய விபத்தில் 19 பேர் உயிரிழந்துள்ளனர். மேலும், 166 பேர் காயம்.
சீனா, ஜிஜியாங் மாகாணம் ஷென்யாங் – கைகோயு எக்ஸ்பிரஸ்வே சாலையில் திரவ எரிவாயுவை ஏற்றிக் கொண்டு டேங்கர் லாரி சென்றுகொண்டிருந்தது. அப்பொழுது அந்த டேங்கர் லாரி, திடீரென வெடித்து சிதறியது. அப்பொழுது அங்குள்ள வீடுகள் மற்றும் தொழிற்சாலைகள் மீது பயங்கரமாக மோதியது.
இதனால் அங்குள்ள கட்டடங்கள் இடிந்து விழுந்து, தீப்பிடித்து எரிந்தன. அந்த தீயை அணைக்க 50-க்கும் மேற்பட்ட தீயணைப்பு வாகனங்கள் சம்பவ இடத்திற்கு விரைந்தனர். மேலும், தீயை அணைக்கும் பணி மற்றும் மீட்பு பணியில் தீவிரமாக ஈடுபட்டன. இந்த கோர விபத்தில், 19 பேர் பரிதாபமாக உயிரிழந்தனர். மேலும், 166 பேர் காயமடைந்த நிலையில் மருத்துவமனையில் சிகிச்சை பெற்று வருகின்றனர்.
