பீஸ்ட் படத்திற்காக செல்வராகவன் வாங்கும் சம்பளம் இவ்வளவா?

பீஸ்ட் படத்தில் நடிக்க இயக்குனர் செல்வராகவன் வாங்கிய சம்பளம் குறித்த தகவல் சமூக வலைத்தளத்தில் பரவி வருகிறது. 

இயக்குனர் நெல்சன் திலீப் குமார் இயக்கத்தில் நடிகர் விஜய் நடித்து வரும் திரைப்படம் பீஸ்ட். இந்த திரைப்படத்தில் விஜய்க்கு ஜோடியாக நடிகை பூஜா ஹெக்டே நடிக்கிறார். செல்வராகவன், அபர்ணா தாஸ், யோகி பாபு, விடிவி கணேஷ் போன்ற பலர் முக்கியமான கதாபாத்திரத்தில் நடித்துவருகிறார்கள். சன்பிக்சர்ஸ் நிறுவனம் தயாரிக்கும் இந்த படத்திற்கு இசையமைப்பாளர் அனிருத் இசையமைத்து வருகிறார்.

படத்தின் மூன்றாம் கட்ட படப்பிடிப்பு விறு விறுப்பாக சென்னையில் பிரமாண்ட செட் அமைத்து நடைபெற்று வருகிறது. இந்த நிலையில், பீஸ்ட் மூன்றாம் கட்டப் படப்பிடிப்பு வரும் 23 ஆம் தேதி நிறைவடைகிறது என்று தகவல் வெளியாகியுள்ளது. வரும் செப்டம்பர் மாதம் படக்குழு சண்டைக்காட்சிகளுக்காக ரஷ்யா செல்லவிருப்பதாக தகவல்கள் தெரிவிக்கின்றனர்.

இந்த நிலையில், தற்போது சமூக வலைத்தளத்தில் பீஸ்ட் படத்தில் நடிக்க இயக்குனர் செல்வராகவன் 2 கோடி சம்பளம் வாங்கியுள்ளதாக நெட்டிசன்கள் தெரிவித்து வருகிறார்கள்.  இந்த தகவல் தற்போது சமூக வலைத்தளத்தில் வைரலாக பரவி வருகிறது.