மதுரையில் விஜய் – சங்கீதா திருமண நாளை முன்னிட்டு எம்ஜிஆர் – ஜெயலலிதாவாக சித்தரித்து ஒட்டப்பட்ட போஸ்ட்ரால் பரபரப்பு.!

மதுரையில் விஜய் மக்கள் இயக்கத்தின் சார்பில் சங்கீதாவை ஜெயலலிதா போலவும், விஜய் அவர்களை எம் ஜி ஆர் போலவும் சித்தரித்து ஒட்டப்பட்டுள்ள போஸ்ட்ர் பரபரப்பை ஏற்படுத்தியுள்ளது.

நடிகர் விஜய் தற்போது லோகேஷ் கனகராஜ் இயக்கத்தில் மாஸ்டர் என்னும் திரைப்படத்தில் நடித்து முடித்துள்ளார். ரசிகர்கள் இந்த படத்தை பார்க்க ஆவலுடன் எதிர்பார்த்து காத்திருக்கின்றனர். தளபதி ரசிகர்கள் விஜய்யின் எந்தவொரு ஸ்பெஷல் தினத்தையும் போஸ்ட்ர் ஒட்டி கொண்டாடுவது வழக்கம். அந்த வகையில் தற்போது விஜய் மற்றும் சங்கீதாவின் திருமண நாளை முன்னிட்டு மதுரையில் ரசிகர்களால் ஒட்டப்பட்ட போஸ்ட்ர் ஒன்று பெரும் பரபரப்பை ஏற்படுத்தியுள்ளது.

நேற்றைய தினம் விஜய் மற்றும் சங்கீதா தம்பதியரின் 21வது திருமண நாள். அதனை கொண்டாடிய மதுரை ரசிகர்களின் மக்கள் இயக்கம் சார்பில் ஒட்டப்பட்ட போஸ்ட்ரில் மக்கள் இயக்கத்தின் புரட்சித் தலைவரே மற்றும் புரட்சி தலைவியே என்று கூறி சங்கீதாவை ஜெயலலிதா போலவும், விஜய் அவர்களை எம். ஜி. ஆர் போலவும் சித்தரித்து ஒட்டப்பட்டுள்ளது இதனை கில்லி சிவா என்ற மதுரை தெற்கு மாவட்ட தொண்டரணி தலைவர் ஒட்டியது என்றும், அந்த போஸ்ட்ரில் மதுரை விஜய் மக்கள் இயக்கத்தின் முக்கிய நிர்வாகிகளின் புகைப்படங்களும் இடம் பெற்றுள்ளது. எம். ஜி. ஆர் மற்றும் ஜெயலலிதாவை போன்று விஜய் சங்கீதாவை சித்தரித்து ஒட்டப்பட்ட இந்த போஸ்ட்ர் தற்போது பெரும் பரபரப்பை ஏற்படுத்தியுள்ளது.