சாம் ஆண்டன்-அதர்வா படத்தின் கதாநாயகியாகும் விஜய் சேதுபதி பட நடிகை.!

சாம் ஆண்டன் இயக்கத்தில் அதர்வா நடிக்கும் படத்தில் கதாநாயகியாக தன்யா ரவிச்சந்திரன் நடிக்க உள்ளதாக தகவல்கள் வெளியாகியுள்ளன.

தமிழ் சினிமாவில் இளம் ஹீரோவாக வலம் வரும் நடிகர் அதர்வா கடைசியாக “100” எனும் படத்தில் போலீஸ் அதிகாரியாக நடித்து ரசிகர்கள் மத்தியில் பெரும் வரவேற்பை பெற்றார் . தற்போது இவர் குருதி ஆட்டம்,தள்ளி போகாதே,ஒத்தைக்கு ஒத்த ,பத்ரி வெங்கடேஷ் இயக்கத்தில் உருவாகும் படத்திலும் நடித்து வருகிறார் .

அதன்பின் சமீபத்தில் அதர்வா அடுத்ததாக சாம் ஆண்டன் இயக்கத்தில் இரண்டாவது முறையாக நடிக்கவுள்ளதாக தகவல்கள் வெளியாகியிருந்தது.இவர் ஏற்கனவே அதர்வாவின் 100 எனும் படத்தினை இயக்கியிருந்தார் என்பது குறிப்பிடத்தக்கது.இதுவரை பெயரிடப்படாத இந்தப் படத்திற்கு ஜிப்ரான் இசையமைக்க கிருஷ்ணன் ஒளிப்பதிவு செய்ய உள்ளதாகவும்,தந்தை-மகன் இடையே உள்ள சென்டிமென்ட்டை மையமாக வைத்து உருவாகியுள்ள இந்த படத்தின் படப்பிடிப்பு மார்ச் மாதம் முதல் தொடங்கவுள்ளதாகவும் தகவல்கள் வெளியாகியிருந்தது.

இந்த நிலையில் தற்போது இந்த படத்தின் கதாநாயகி குறித்த தகவல்கள் வெளியாகியுள்ளன.அதாவது சாம் ஆண்டன் இயக்கத்தில் அதர்வா நடிக்க உள்ள இந்த படத்தில் அதர்வாவிற்கு ஜோடியாக தன்யா ரவிச்சந்திரன் நடிக்க உள்ளதாக தகவல்கள் வெளியாகியுள்ளன.தன்யா ரவிச்சந்திரன் ஏற்கனவே விஜய் சேதுபதியின் கருப்பன் படத்தில் நடித்தவர் என்பது குறிப்பிடத்தக்கது.மேலும் இந்த படத்தில் நடிகர் அருண் பாண்டியன் முக்கிய வேடத்தில் நடிக்கவுள்ளதாகவும் தகவல்கள் வெளியாகியுள்ளன.சில காலம் சினிமாவிலிருந்து விலகி இருந்த இவர் நேற்று கீர்த்தி பாண்டியன் நடிப்பில் வெளியான அன்பிற்கினியாள் படத்தில் நடித்ததன் மூலம் ரீ என்டரி கொடுத்துள்ளது குறிப்பிடத்தக்கது.