தீவிர தாக்குதல் நடத்தும் கொரோனா வைரஸ்! அமெரிக்காவில் 70,000 ஆயிரத்தை தாண்டிய பலி எண்ணிக்கை!

அமெரிக்காவில் 70,000 ஆயிரத்தை தாண்டிய பலி எண்ணிக்கை.

முதலில் சீனாவில் பரவிய கொரோனா வைரஸ், தொடர்ந்து மற்ற நாடுகளையும் தாக்கி வருகிறது. இதன் தீவிரம் நாளுக்கு நாள் அதிகரித்த வண்ணம் உள்ளதால், உலக நாடுகள் இதற்கு மருந்து கண்டுபிடிக்கும் பணியில் தீவிரமாக இறங்கியுள்ளது. ஆனால், இந்த வைரஸை முற்றிலுமாக அழிப்பதற்கு எந்த மருந்துகளும் இதுவரை கண்டுபிடிக்கப்படவில்லை.

இந்நிலையில், இந்த வைரஸ் தாக்கத்தால், உலக அளவில் இதுவரை 3,727,802 பேர் பாதிக்கப்பட்டுள்ள நிலையில், 258,338 பேர் உயிரிழந்துள்ளனர். இந்த கொரோனா வைரஸ் தாக்கத்தால், அதிகம் பாதிக்கப்பட்டவர்களின் எண்ணிக்கையிலும், உயிரிழந்தவர்களின் எண்ணிக்கையிலும் முதலிடத்தில் இருப்பது அமெரிக்கா தான். 

இந்நிலையில், அமெரிக்காவில் இதுவரை, 1,237,633 பேர் பாதிக்கப்பட்டுள்ள நிலையில், 72,271 பேர் இந்த வைரஸ் தாக்குதலால் உயிரிழந்துள்ளனர். குறிப்பாக நேற்று மட்டும் அமெரிக்காவில், கொரோனா வைரஸால்  2,350 பேர் உயிரிழந்துள்ளது குறிப்பிடத்தக்கது.