76-வது சுதந்திர தினவிழா – 3 நாட்கள் ஒத்திகை நிகழ்ச்சி..!

நாடு முழுவதும் வரும் 15-ஆம் தேதி நாட்டின் 76வது சுதந்திர தினம் கோலாகலமாக கொண்டாடப்பட உள்ளது. இந்த சுதந்திர தினவிழாவை முன்னிட்டு, சென்னை ஜார்ஜ் கோட்டை கொத்தளத்தில் முதல்வர் ஸ்டாலின் தேசியக் கொடி ஏற்ற உள்ளார்.

இந்த நிலையில், சுதந்திர தினவிழாவை முன்னிட்டு, இன்றும், ஆக.10, 13 ஆகிய 3 நாட்களுக்கு ஒத்திகை நிகழ்ச்சி நடைபெறவுள்ளது. தலைமை செயலகம் அமைந்துள்ள காமராஜர் சாலையில் முதல் நாள் ஒத்திகை நிகழ்ச்சி நடைபெறவுள்ளது.

இன்று நடைபெறவுள்ள ஒத்திகை நிகழ்ச்சியானது வாகன அணிவகுப்புடன் முதல்வரை அவரது இல்லத்திலிருந்து அழைத்து வருவது போல நடைபெறவுள்ளது. இதனையடுத்து, காமராஜர் சாலையில் போக்குவரத்து மாற்றம் செய்யப்பட்டுள்ளது.