MI vs DC: டெல்லியை வீழ்த்தி.., பிளே ஆஃப்-யில் மாஸ் என்ட்ரி கொடுத்த மும்பை.!

மும்பை : முதலில் பேட்டிங் செய்த மும்பை அணி, சூர்யாவின் 73 ரன்களின் புயல் இன்னிங்ஸின் அடிப்படையில் டெல்லி அணிக்கு 181 ரன்கள் இலக்காக நிர்ணயித்தது. டெல்லி அணிக்கு 181 ரன்கள் வெற்றி இலக்காக மும்பை அணி நிர்ணயித்திருந்தது.

மும்பை அணிக்காக சூர்யகுமார் யாதவ் 43 பந்துகளில் 73 ரன்கள் எடுத்தார். இதனையடுத்து 181 என்ற இலக்கை துரத்திய டெல்லி, மும்பை அணியின் சிறப்பான பந்துவீச்சில் விக்கெட்டுகளை அடுத்தடுத்து பறிகொடுத்த டெல்லி அணி, 121 ரன்களுக்கு ஆல் அவுட்டாக்கினர்.

முதலில் பேட்டிங் செய்ய வந்த மும்பை அணிக்கு தொடக்கம் சிறப்பாக அமையவில்லை. பெரிதும் எதிர்பார்க்கப்பட்ட ரோஹித் ஷர்மா 5 ரன்களிலும், கேப்டன் ஹர்திக் பாண்டியா 3 ரன்களிலும் ஆட்டமிழந்தனர். ஆனால் மும்பை அணி இதற்குப் பிறகு வில் ஜாக்ஸும் ரிக்கெல்டனும் ஒரு நல்ல பார்ட்னர்ஷிப்பை உருவாக்கினர். ஆனால் ஆறாவது ஓவரில் வில் ஜாக்ஸ் அவுட்டாகினார். அவர், 21 ரன்கள் எடுத்து ஆட்டமிழந்தார்.

இதற்குப் பிறகு, அடுத்த ஓவரிலேயே, ரிக்கல்டனை குல்தீப் யாதவ் ஆட்டமிழக்கச் செய்தார். ரிக்கெல்டனின் பேட்டில் இருந்து 25 ரன்கள் வந்தன. இதன் மூலம், குல்தீப் யாதவ் ஐபிஎல்லில் தனது 100 விக்கெட்டுகளையும் நிறைவு செய்தார். இதன் பிறகு சூர்யகுமார் யாதவ் மற்றும் திலக் வர்மா இடையே நல்ல பார்ட்னர்ஷிப் ஏற்பட்டது.

10 ஓவர்கள் முடிவில் மும்பை அணியின் ஸ்கோர் 3 விக்கெட் இழப்பிற்கு 80 ஆக இருந்தது. ஆனால் 15வது ஓவரில் திலக் வர்மா 27 ரன்கள் எடுத்த அவுட்டாகி வெளியேறினார். சூர்யா 43 பந்துகளில் 7 பவுண்டரிகள் மற்றும் நான்கு சிக்ஸர்கள் உட்பட ஆட்டமிழக்காமல் 73 ரன்கள் எடுத்தார்.

நமன் 8 பந்துகளில் 24 ரன்கள் எடுத்து ஆட்டமிழக்காமல் இருந்தார். அவர் நான்கு பவுண்டரிகள் மற்றும் இரண்டு சிக்ஸர்களை அடித்தார். இதன் அடிப்படையில் மும்பை அணி டெல்லி அணிக்கு 181 ரன்கள் இலக்காக நிர்ணயித்தது. சூர்யா ஆட்டமிழக்காமல் 73 ரன்கள் எடுத்தார். இருதியில், மும்பை இந்தியன்ஸ் அணி 20 ஓவர்களில் 5 விக்கெட் இழப்புக்கு 180 ரன்கள் எடுத்தது.

181 ரன்கள் என்ற இலக்கை நோக்கி களமிறங்கிய டெல்லி அணியின் தொடக்கம் மிகவும் மோசமாக இருந்தது. இரண்டாவது ஓவரிலேயே தீபக் சாஹர், கேப்டன் ஃபாஃபை பெவிலியனுக்கு அனுப்பினார். இதன் பிறகு, மூன்றாவது ஓவரில், போல்ட் கே.எல். ராகுலையும் ஆட்டமிழக்கச் செய்தார்.

டெல்லி அணி தரப்பில் சமீர் ரிஸ்வி 39 ரன்களும், விப்ராஜ் நிகம் 20 ரன்களும், அசுதோஷ் சர்மா 18 ரன்களும், கே.எல். ராகுல் 11 ரன்களும் எடுத்தனர். இந்த நான்கு பேரைத் தவிர, வேறு எந்த பேட்ஸ்மேனும் இரட்டை இலக்க ரன்களை எடுக்க முடியவில்லை. குறிப்பாக, 4 ஓவர்களில் வெறும் 11 ரன்களை மட்டுமே விட்டுக்கொடுத்து 3 விக்கெட்டுகளை வீழ்த்தி மும்பை அணி வெற்றி பெற முக்கியக் காரணமாக அமைந்தார் மிட்செல் சான்டனர்.

மும்பை அணி தரப்பில் மிட்செல் சாண்ட்னர் மற்றும் ஜஸ்பிரித் பும்ரா தலா 3 விக்கெட்டுகளை வீழ்த்தினர். டிரென்ட் போல்ட், தீபக் சாஹர், வில் ஜாக்ஸ், கர்ண் சர்மா ஆகியோர் தலா 1 விக்கெட்டை வீழ்த்தினர். இறுதியில், 18.2 ஓவர்களில் அனைத்து விக்கெட்டுகளையும் இழந்து 121 ரன்கள் மட்டுமே எடுத்து தோல்வி அடைந்தது டெல்லி அணி.

பிளே ஆஃப்-யில் நுழைந்த மும்பை:

டெல்லியை வீழ்த்தியதன் மூலம், மும்பை அணி நேரடியாக பிளேஆஃப்களுக்கு தகுதி பெற்றுள்ளது. இதன் மூலம், ஐபிஎல் 2025 இன் பிளேஆஃப்களை எட்டிய நான்காவது அணியாக மும்பை ஆனது. முன்னதாக, குஜராத் டைட்டன்ஸ், ராயல் சேலஞ்சர்ஸ் பெங்களூரு மற்றும் பஞ்சாப் கிங்ஸ் ஆகியவை பிளேஆஃப்களுக்கு தகுதி பெற்றிருந்தன.

அடுத்தது என்ன?

இந்த இரு அணிகளுக்கும் இன்னும் ஒரு போட்டி மட்டுமே மீதமுள்ளது. மே 24 (சனிக்கிழமை) அன்று டெல்லி கேபிடல்ஸ் அணி பஞ்சாப் கிங்ஸை எதிர்கொள்ளும், மே 26 (திங்கட்கிழமை) அன்று மும்பை இந்தியன்ஸ் அணி பஞ்சாப் கிங்ஸை எதிர்கொள்ளும். இந்த இரண்டு போட்டிகளும் ஜெய்ப்பூரில் நடைபெறுகிறது.