அவதார் 3வது பாகம் ‘ Avatar: Fire and Ash’ படத்தின் புதிய போஸ்டர் வெளியீடு.!
வரும் 25ம் தேதி வெளியாகும் 'The Fantastic Four: First Steps' படத்துடன் திரையரங்குகளில் 'அவதார்' படத்தின் ட்ரெய்லர் திரையிடப்படும் என படக்குழு அறிவித்துள்ளது.
அமெரிக்கா : உலக சினிமா ரசிகர்களை வியப்பில் ஆழ்த்தி, உலக அளவில் அதிக வசூல் செய்த படங்களின் பட்டியலில் முதல் இடத்தில் இருக்கிறது அவதார். இப்படத்தின் 2-ம் பாகம் 2022-ல் வெளிவந்த நிலையில், 3-ம் பாகமான, ”Avatar: Fire and Ash” படத்தின் முதல் அதிகாரப்பூர்வ போஸ்டர் வெளியிடப்பட்டது.
இந்த போஸ்டரில் புதிய கதாபாத்திரமான வராங் (Varang) என்ற ஆஷ் மக்கள் (Ash People) என்ற நாவி குலத்தின் தலைவர் இடம்பெற்றுள்ளார், இவரை நடிகை ஊனா சாப்ளின் (Oona Chaplin) ஏற்றுள்ளார்.இந்த போஸ்டர் படத்தின் மையக் கருவான தீயையும் (fire) அதன் பின்விளைவுகளையும் (ash) பிரதிபலிக்கிறது.
Meet Varang in Avatar: Fire and Ash.
Be among the first to watch the trailer, exclusively in theaters this weekend with The Fantastic Four: First Steps. pic.twitter.com/MZi0jhBCI5
— Avatar (@officialavatar) July 21, 2025
இது படத்தின் தலைப்புக்கு ஏற்ப, ஆஷ் மக்களின் கலாச்சாரம் மற்றும் அவர்களின் பங்கை பிரதிபலிக்கிறது. முந்தைய படங்களின் நீலம் மற்றும் பச்சை நிறத்தை மையமாகக் கொண்டிருந்த காட்சிகளுக்கு மாறாக, இந்த போஸ்டரில் ஆரஞ்சு மற்றும் சிவப்பு நிறங்கள் ஆதிக்கம் செலுத்துகின்றன, இது தீ மற்றும் சாம்பலின் கருப்பொருளை எடுத்துரைக்கிறது.
இந்த போஸ்டர் ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்தப் பாகம் முந்தைய படங்களைப் போலவே பாண்டோரா கிரகத்தின் அற்புதமான உலகத்தை மையமாகக் கொண்டு, புதிய கதாபாத்திரங்கள் மற்றும் கதைக்களத்தை அறிமுகப்படுத்துகிறது.
மேலும், படத்தின் முதல் ட்ரெய்லர் வரும் 25ம் தேதி வெளியாகும் ‘The Fantastic Four: First Steps’ படத்துடன் திரையரங்குகளில் வெளியாகும் என்று அறிவிக்கப்பட்டுள்ளது. பிரம்மாண்ட இயக்குநர் ஜேம்ஸ் கேமரூன் இயக்கி வரும் இப்படம் டிசம்பர் 19, 2025 அன்று உலகளவில் திரையரங்குகளில் வெளியாகவுள்ளது.
