7,900mAh பேட்டரியுடன் மிரட்டும் Poco M8x 5G இந்தியாவில் அறிமுகம்! விலை என்ன தெரியுமா?

POCO M8x 5G:பிரபலமான ஸ்மார்ட்போன் நிறுவனமான போக்கோ (POCO), நடுத்தர பட்ஜெட் விலையில் புதிய 'போக்கோ எம்8எக்ஸ் 5ஜி' (POCO M8x 5G) ஸ்மார்ட்போனை இன்று (ஆகஸ்ட் 21) இந்தியாவில் அதிகாரப்பூர்வமாக அறிமுகப்படுத்தியுள்ளது.

மிகச் சிறப்பான பேட்டரி திறன் மற்றும் புதிய பிராசஸருடன் வெளியாகியுள்ள இந்த போன், வாடிக்கையாளர்கள் மத்தியில் பெரும் எதிர்பார்ப்பை ஏற்படுத்தியுள்ளது.

முக்கிய அம்சங்கள்:

• 7,900mAh அளவிலான பிரம்மாண்ட பேட்டரி மற்றும் 45W ஃபாஸ்ட் சார்ஜிங் வசதி இதில் இடம்பெற்றுள்ளது.

• குவால்காம் ஸ்னாப்டிராகன் 4 ஜென் 5 (Snapdragon 4 Gen 5) சிப்செட் வசதியுடன் இந்தியாவில் வெளியாகும் முதல் ஸ்மார்ட்போன் இதுவாகும்.

• இதன் சலுகைகளுடன் இதன் ஆரம்ப விலை ரூ.18,999 என நிர்ணயிக்கப்பட்டுள்ளது.

பிரம்மாண்ட பேட்டரி மற்றும் திரை

போக்கோ எம்8எக்ஸ் 5ஜி ஸ்மார்ட்போனின் முக்கிய சிறப்பம்சமாக அதன் 7,900mAh பேட்டரி திறன் பார்க்கப்படுகிறது. இதனை அதிவேகமாக சார்ஜ் செய்ய 45W ஃபாஸ்ட் சார்ஜிங் வசதியும், மற்ற சாதனங்களை சார்ஜ் செய்ய 22.5W ரிவர்ஸ் சார்ஜிங் வசதியும் வழங்கப்பட்டுள்ளது.

இந்த ஸ்மார்ட்போன் 6.9 இன்ச் அளவிலான HD+ LCD திரையைக் கொண்டுள்ளது. மேலும், 120Hz ரெஃப்ரெஷ் ரேட் மற்றும் கார்னிங் கொரில்லா கிளாஸ் 7i (Gorilla Glass 7i) பாதுகாப்பும் கொடுக்கப்பட்டுள்ளது.

பிராசஸர் மற்றும் கேமரா வசதிகள்

இந்தியாவிலேயே முதன்முறையாக குவால்காம் ஸ்னாப்டிராகன் 4 ஜென் 5 பிராசஸர் (Snapdragon 4 Gen 5) இந்த போனில்தான் அறிமுகப்படுத்தப்பட்டுள்ளது. இது 4nm தொழில்நுட்பத்தில் உருவாக்கப்பட்டுள்ளதால், போனின் செயல்பாட்டு வேகம் மிகச் சிறப்பாக இருக்கும்.

புகைப்படங்களை எடுக்க 50 மெகாபிக்சல் (50MP) முதன்மை கேமரா பின்புறம் கொடுக்கப்பட்டுள்ளது. அத்துடன் செல்ஃபி மற்றும் வீடியோ கால்களுக்காக 8 மெகாபிக்சல் (8MP) முன்புற கேமராவும் இடம்பெற்றுள்ளது.

விற்பனைத் தேதி மற்றும் விலை

இந்த போக்கோ எம்8எக்ஸ் 5ஜி போன் லெதர் கிரீன் (Vegan Leather), பிளாக் மற்றும் ப்ளூ ஆகிய மூன்று நிறங்களில் விற்பனைக்கு வருகிறது. 4GB ரேம் மற்றும் 128GB சேமிப்புத்திறன் கொண்ட அடிப்படை மாடலின் விலை ரூ.20,999 என நிர்ணயிக்கப்பட்டுள்ளது. இருப்பினும், அறிமுகச் சலுகைகளை (Launch Offers) பயன்படுத்தினால் இந்த போனை ரூ.18,999க்கு வாங்க முடியும். அதேபோல 6GB ரேம் மாடலின் விலை ரூ.22,999 ஆகும்.

இந்த புதிய ஸ்மார்ட்போனின் முதல் விற்பனை வரும் ஆகஸ்ட் 27ஆம் தேதி பிளிப்கார்ட் (Flipkart) இணையதளத்தில் அதிகாரப்பூர்வமாகத் தொடங்க உள்ளது.