டெல்லி : இந்தியாவின் இருசக்கர வாகனச் சந்தையில் 125சிசி ஸ்கூட்டர்களுக்கு எப்போதுமே தனி மவுசு உண்டு. இளைஞர்களையும், நவீன வசதிகளை விரும்புபவர்களையும் கவரும் வகையில், இந்திய யமஹா மோட்டார் நிறுவனம் (India Yamaha Motor) தனது புகழ்பெற்ற ஃபாசினோ மற்றும் ரேஇசட்ஆர் 125சிசி ஹைபிரிட் ஸ்கூட்டர்களை (Yamaha Fascino & RayZR 125cc Hybrid) புதிய தோற்றத்திலும், அதிநவீன தொழில்நுட்ப அப்டேட்களுடனும் அதிகாரப்பூர்வமாகத் தற்போது அறிமுகப்படுத்தியுள்ளது.
முன்பை விட இந்த ஸ்கூட்டர்களை மிகவும் 'டெக்-சேவி' (Tech-savvy) எனப்படும் நவீன தொழில்நுட்ப வசதிகள் நிறைந்ததாக மாற்றுவதற்கு யமஹா நிறுவனம் கூடுதல் கவனம் செலுத்தியுள்ளது.
புதிய விலையும் பிரீமியம் வண்ணங்களும்
அழகான கிளாசிக் டிசைனை விரும்பும் வாடிக்கையாளர்களின் சாய்ஸான யமஹா ஃபாசினோ ஸ்கூட்டர், இந்த புதிய 2026 அப்டேட்டில் ட்ரம் (Drum), டிஸ்க் (Disc) மற்றும் எஸ் (S) என மூன்று விதமான வேரியண்ட்களில் கிடைக்கிறது. இதன் எக்ஸ்-ஷோரூம் விலை ரூ. 78,980 முதல் தொடங்கி ரூ. 99,030 வரை நிர்ணயம் செய்யப்பட்டுள்ளது.இந்த 2026 மாடலில் வண்ணங்கள் புதுப்பிக்கப்பட்டுள்ளன.
அதன்படி, இதன் அடிப்படை ட்ரம் வேரியண்ட் புதிய 'எல்லோ காக்டெய்ல்' (Yellow Cocktail) நிறத்திலும், டிஸ்க் வேரியண்ட் 'மெட்டாலிக் லைட் கிரீன்', 'கூல் ப்ளூ மெட்டாலிக்', மற்றும் 'மேட் பிளாக்' ஆகிய நிறங்களிலும் கிடைக்கின்றன. எல்லாவற்றிற்கும் மேலாக, இதன் டாப்-எண்ட் மாடலான ஃபாசினோ 'S' வேரியண்ட் பிரத்யேகமான 'மெட்டாலிக் ஆரஞ்சிஷ் கிரே எஸ்பிஎல்' நிறத்தில் வருகிறது. குறிப்பாக, இந்த 'S' வேரியண்ட்டில் மட்டுமே முதல்முறையாக புதிய TFT இன்ஸ்ட்ருமென்ட் கிளஸ்டர் திரையும், அதனுடன் வழித்தடங்களை அறிந்துகொள்ளும் 'டர்ன்-பை-டர்ன் நேவிகேஷன்' (Turn-by-turn Navigation) வசதியும் கொடுக்கப்பட்டுள்ளது.
யமஹா ரேஇசட்ஆர் 125
ஆக்ரோஷமான மற்றும் ஸ்போர்ட்டி லுக்கை விரும்பும் இளைஞர்களுக்கான மாடலான யமஹா ரேஇசட்ஆர் (RayZR) ஸ்கூட்டரின் எக்ஸ்-ஷோரூம் விலை ரூ. 79,880 முதல் தொடங்கி ரூ. 1,00,440 வரை வைக்கப்பட்டுள்ளது. இது சாதாரண ரேஇசட்ஆர் மற்றும் ரேஇசட்ஆர் ஸ்ட்ரீட் ராலி (Street Rally) என இரண்டு முக்கியப் பிரிவுகளில் விற்பனைக்கு வருகிறது.இதன் அடிப்படை ட்ரம் வேரியண்ட் வெறும் 'மெட்டாலிக் பிளாக்' நிறத்தில் மட்டுமே வரும் நிலையில், டிஸ்க் வேரியண்ட் 'மெட்டாலிக் பிளாக்', 'டார்க் மேட் ப்ளூ', மற்றும் 'ஐஸ் ஃப்ளூ வெர்மில்லியன்' ஆகிய கலர்களில் கிடைக்கிறது.
இந்த வழக்கமான மாடல்களில் டிஜிட்டல் டிஸ்ப்ளே கிடையாது. இந்த TFT கிளஸ்டர் வசதியானது ரேஇசட்ஆர் ஸ்ட்ரீட் ராலி (Street Rally) மாடலில் மட்டுமே பிரத்யேகமாக வழங்கப்படுகிறது. இந்த ஸ்ட்ரீட் ராலியில் எல்சிடி (LCD) மற்றும் டிஎஃப்டி (TFT) என மேலும் இரண்டு உட்பிரிவுகள் உள்ளன. இரண்டுமே 'மேட் பிளாக்' நிறத்தில் கிடைத்தாலும், 'ஐஸ் ஃப்ளூ வெர்மில்லியன்' கலர் எல்சிடி மாடலிலும், புதிய 'மேட் டைட்டன்' கலர் டிஎஃப்டி மாடலிலும் மட்டுமே கிடைக்கும்படி தனித்துவமாகப் பிரிக்கப்பட்டுள்ளது.
மைலேஜில் எப்போதும் போல 'கிங்'
யமஹா நிறுவனத்தின் இந்த 125சிசி ஸ்கூட்டர்களின் மிகப்பெரிய பலமே அவற்றின் மைலேஜ் தான். இதிலுள்ள அதிநவீன ஸ்மார்ட் மோட்டார் ஜெனரேட்டர் (SMG) ஹைபிரிட் தொழில்நுட்பம், வண்டி ஸ்டார்ட் ஆகும் போதும், டிராஃபிக்கில் இருந்து வேகம் எடுக்கும் போதும் பேட்டரி மூலம் கூடுதல் ஆற்றலை இன்ஜினுக்குக் கொடுத்து பெட்ரோல் தேவையை மிச்சப்படுத்துகிறது.
அதிகாரப்பூர்வமாக இவை ஒரு லிட்டருக்கு 68 முதல் 71 கி.மீ வரை மைலேஜ் தரும் என்று கூறப்பட்டாலும், நிஜ உலகச் சாலைகளில் (Real-world Mileage) சாதாரணமாக ஓட்டும்போது கூட ஒரு லிட்டர் பெட்ரோலுக்கு 55 முதல் 65 கி.மீ வரை மிகச் சிறந்த மைலேஜை அசால்ட்டாக அள்ளித் தருகிறது. 125சிசி செக்மென்ட்டிலேயே மிகக் குறைந்த எடையும், அதிக பெட்ரோல் சிக்கனமும் கொண்ட ஸ்கூட்டர்கள் இவைதான் என்பதில் எவ்வித மாற்றுக்கருத்தும் இல்லை.
இன்ஜின் பவர்
புதிய வண்ணங்கள் மற்றும் புதிய TFT டிஸ்ப்ளே திரையைத் தவிர, வண்டியின் மற்ற அனைத்து மெக்கானிக்கல் மற்றும் பிராக்டிகல் சிறப்பம்சங்களும் அதன் முந்தைய மாடல்களைப் போலவே அப்படியே தொடர்கின்றன. இரண்டு ஸ்கூட்டர்களிலுமே அதே நம்பகமான 125cc ஏர்-கூக்டு இன்ஜின் பொருத்தப்பட்டுள்ளது. இது 8 bhp பவரையும், 10.3 Nm (டார்க்) வெளிப்படுத்துகிறது. இது ஒரு சிவிடி (CVT) கியர்பாக்ஸ் உடன் இணைக்கப்பட்டுள்ளது.
மேலும், இரண்டு வண்டிகளிலுமே பொதுவான அம்சங்களாக பின்வரும் வசதிகள் நேர்த்தியாகக் கொடுக்கப்பட்டுள்ளன:
- லக்கேஜ் மற்றும் ஹெல்மெட் வைக்க விசாலமான 21 லிட்டர் அண்டர்-சீட் ஸ்டோரேஜ்.
- வண்டியைச் சத்தமே இல்லாமல் ஸ்டார்ட் செய்யும் சைலன்ட் ஸ்டார்ட் சிஸ்டம் (SMG).
- டிராஃபிக்கில் வண்டி நின்றால் பெட்ரோலை மிச்சப்படுத்தத் தானாகவே இன்ஜினை ஆஃப் செய்யும் ஆட்டோமேட்டிக் இன்ஜின் ஸ்டார்ட்/ஸ்டாப் சிஸ்டம்.
- கூடுதல் பாதுகாப்பிற்காகச் சைடு ஸ்டாண்ட் எடுக்காவிட்டால் இன்ஜின் ஸ்டார்ட் ஆகாத சைடு ஸ்டாண்ட் இன்ஜின் கட்-ஆஃப் வசதி.
- பிரகாசமான எல்இடி (LED) ஹெட்லைட்டுகள் மற்றும் சிறந்த பிரேக்கிங்கிற்கு முன்பக்க டிஸ்க் பிரேக் வசதி.
- எல்லாவற்றிற்கும் மேலாக, இந்த இரண்டு ஸ்கூட்டர்களுமே 100 கிலோவிற்கும் குறைவான எடையைக் (Kerb Weight) கொண்டிருப்பதால், பெண்கள் மற்றும் முதியவர்கள் கூட டிராஃபிக்கில் மிக எளிதாகக் கையாண்டு ஓட்ட முடியும்.
சுருக்கமாகச் சொன்னால், 125சிசி பட்ஜெட்டுக்குள் பார்ப்பதற்கு மிகவும் ஸ்டைலாகவும், அதே நேரத்தில் அதிக மைலேஜ் மற்றும் நவீன கூகுள் மேப்ஸ் போன்ற நேவிகேஷன் வசதிகள் நிறைந்த ஒரு நம்பகமான ஸ்கூட்டரைத் தேடுபவர்களுக்கு, யமஹாவின் இந்த புதிய 2026 ஃபாசினோ 'S' மற்றும் ரேஇசட்ஆர் ஸ்ட்ரீட் ராலி TFT மாடல்கள் ஒரு மிகச்சிறந்த கச்சிதமான தேர்வாக அமையும் என்பதில் சந்தேகமே இல்லை.