பெரும் சோகம்…பிரபல நகைச்சுவை நடிகர் சேசு காலமானார்.!

rip lollu sabha seshu [File Image ]

Actor Seshu: லொள்ளு சபா நிகழ்ச்சி மூலம் பிரபலமான நடிகர் சேஷு, உடல் நலக் குறைவால்  இன்று காலமானார்.

10 நாள்களுக்கு முன் அவருக்கு மாரடைப்பு ஏற்பட்டது. அதன் காரணமாக சென்னை காவேரி மருத்துவமனையில் அனுமதிக்கப்பட்ட அவருக்கு தீவிர சிகிச்சை அளிக்கப்பட்டு வந்தது. அவரது இதயத்தில் மூன்று அடைப்புகள் இருந்ததாகவும், அதற்காக அவர் மருத்துவமனையில் சிகிச்சை பெற்று வந்த நிலையில், சிகிச்சை பலனின்றி இன்று காலமானார்.

விஜய் டிவியில் மூலம் பிரபலமான சேசு, அதன்பின் நடிகர் தனுஷ் ஹீரோவாக அறிமுகமான ‘துள்ளுவதோ இளமை’ படத்தின் மூலம் வெள்ளித்திரையில் அறிமுகமானார். இதனை தொடர்ந்து பல படங்களில் சிறு சிறு வேடங்களில் நடித்து வந்த இவர், கடைசியாக இவர் நடித்த ‘வடக்குப்பட்டி ராமசாமி’ மிகுந்த வரவேற்பை பெற்றது.

கடந்த மார்ச் 15ஆம் தேதி உடல்நலக் குறைவால் சென்னை காவேரி மருத்துவமனையில் அனுமதிக்கப்பட்ட சேசுவின் மருத்துவ சிகிச்சைக்கு உதவுமாறு பிக் பாஸ் அமுதவாணன் உள்ளிட்டோர் உதவி செய்யுமாறு வீடியோ வெளியிட்டு இருந்தனர் என்பது குறிப்பிடத்தக்கது.

இந்த நிலையில், அவரது மரணம் திரையுலகில் பலரையும் அதிர்ச்சியில் ஆழ்த்தியுள்ளத. தற்பொழுது, பலரும் தங்களது சமூக வலைத்தளங்கள் மூலம் இரங்கள் தெரிவித்து வருகின்றனர்.