டிவிஸ்ட்….ரசிகர்களுக்கு சர்ப்ரைஸ் கிப்ஃட் கொடுத்த வெங்கட் பிரபு.!

The GOAT: நடிகர் பிரபுதேவா பிறந்த தினத்தை முன்னிட்டு ‘THE GREATEST OF ALL TIME’ படக்குழு சார்பில் புதிய போஸ்டர் வெளியிடப்பட்டுள்ளது.

இந்தியாவின் மைக்கேல் ஜாக்சன் என்றழைக்கப்படும் பிரபுதேவாவின் 51-வது பிறந்த தினம் இன்று. இவர் டான்ஸ் மாஸ்டர் மற்றும் திரைப்பட இயக்குனர் என பன்முக திறைமை கொண்டவர். தற்பொழுது, நடிகர் விஜய்யின் ‘The GOAT’ திரைப்படத்தில் முக்கிய கதாபாத்திரத்தில் வருகிறார்.

பிரபுதேவாவின் 51-வது பிறந்த தினத்தை முன்னிட்டு ‘The GOAT’ திரைப்படத்தின் புதிய போஸ்டர் ஒன்றரை வெளியிட்டு, படக்குழு அவருக்கு வாழ்த்து தெரிவித்துள்ளது. படத்தின் அப்டேட்டுக்காக காத்திருந்த விஜய் ரசிகர்களுக்கு இந்த போஸ்டரை வெளிட்டுள்ளார்.

ஆனால், விஜய் ரசிகர்கள் டீசருக்காக காத்திருந்த நிலையில், டிவிஸ்டாக பிரபுதேவா இடம்பெறும் போஸ்டர் வெளியாகியுள்ளது. இந்த படத்தில் விஜய் உடன் பிரபு தேவா தவிர, பிரசாந்த், வைபவ், மோகன், ஜெயராம் ஆகியோர் நடித்து வருகிறார்கள்.

பிரபுதேவா

பிரபல நடன இயக்குனர் சுந்தரம் – மகாதேவம்மா தம்பதிக்கு மகனாக பிறந்த பிரபுதேவா, சிறு வயதிலேயே பரதநாட்டியம் உள்ளிட்ட நடன கலைகளை கற்றார். தந்தையிடம் உதவி நடன இயக்குனராக பணியாற்றிய அவர் ஜென்டில்மேன் படத்தில், ‘சிக்கு புக்கு ரயிலே’ பாடலுக்கு புயலாக சுழன்றாடி, ரசிகர்களை கவர்ந்தார்.

பின்னர், காதலா காதலா, வானத்தை போல, உள்ளம் கொள்ளை போகுதே படங்களில், நடிகராகவும் திறமையை வெளிப்படுத்தினார். இதனை தொடர்ந்து, போக்கிரி, வில்லு, எங்கேயும் காதல் உள்ளிட்ட படங்களை இயக்கி, ‘மாஸ்டர்’ என்ற செல்லப்பெயருடன் வலம் வருகிறார்.