உத்தரபிரதேசத்தில் பஸ் மோதி 7 பேர் உயிரிழப்பு.. 32 பேர் காயம்..!

உத்தரபிரதேசத்தின் பிலிபிட் மாவட்டத்தில் லக்னோவிலிருந்து வந்த பேருந்து மற்றொரு வாகனம் மீது மோதியதில் 7 பேர் உயிரிழந்தனர், 30 க்கும் மேற்பட்டோர் காயமடைந்தனர். பிலிபிட் மாவட்டத்தின் புரன்பூர் பகுதியில்  இந்த வாகனங்கள் மோதியதாக பிலிபிட்டின் காவல்துறை கண்காணிப்பாளர் ஜெய் பிரகாஷ் தெரிவித்துள்ளார்.

பேருந்து லக்னோவிலிருந்து பிலிபிட்டுக்கு வந்து கொண்டிருந்தது, புரைப்பூரிலிருந்து பிக்கப் வாகனம் வந்து கொண்டிருந்தது. அப்போது, இந்த விபத்து புராண்பூரின் எல்லையில் நடந்தது. இந்த விபத்தில் வயல்களில் பேருந்து கவிழ்ந்தது.

இந்த விபத்தில் பிக்கப்பில் இருந்த சிலருக்கும் காயம் ஏற்பட்டது என்று காவல்துறை கண்காணிப்பாளர் ஜெய் பிரகாஷ் செய்தியாளர்களிடம் கூறினார்.  காயமடைந்தவர்கள் மீட்கப்பட்டு அருகிலுள்ள மருத்துவமனைக்கு கொண்டு செல்லப்பட்டனர். பலியானவர்களில் பெரும்பாலோர் பிலிபிட்டைச் சேர்ந்தவர்கள் என்றும் காவல்துறை அதிகாரிகள் தெரிவித்தனர்.