#Breaking:அதிமுக நிர்வாகிகளுக்கான உட்கட்சி தேர்தல் தொடங்கியது!

சேலம்:அதிமுக கிளைக் கழக நிர்வாகிகள்,பேரூராட்சி வார்டு நிர்வாகிகள் உள்ளிட்ட பொறுப்புகளுக்கான உட்கட்சி தேர்தலை சேலத்தில் அதிமுக இணை ஒருங்கிணைப்பாளர் எடப்பாடி பழனிசாமி தொடங்கி வைத்துள்ளார்.

அதிமுக சட்ட திட்ட விதி – 30, பிரிவு – 2-ன்படி “அதிமுக அமைப்புகளின் பொதுத் தேர்தல் ஐந்து ஆண்டுகளுக்கு ஒருமுறை நடத்திட வேண்டும்” என்ற விதிமுறைக்கேற்ப ,தமிழ் நாட்டில் உள்ள ஒன்றியங்களுக்கு உட்பட்ட கிளைக் கழக நிர்வாகிகள், பேரூராட்சி வார்டு கழக நிர்வாகிகள், நகர வார்டு கழக நிர்வாகிகள் மற்றும் மாநகராட்சி வட்டக் கழக நிர்வாகிகள் ஆகிய பொறுப்புகளுக்கான அதிமுக உட்கட்சி தேர்தல்கள் இன்று முதல் 23.12.2021 வரை இரண்டு கட்டங்களாக நடைபெறவுள்ளதாக முன்னதாக தெரிவிக்கப்பட்டது.

இந்நிலையில்,அதிமுக கிளை நிர்வாகிகள்,பேரூராட்சி வார்டு நிர்வாகிகள் உள்ளிட்ட பொறுப்புகளுக்கான முதற்கட்ட தேர்தலை,சேலம் மாவட்டம் அங்கம்மாள் காலனியில் உள்ள மாநகர் மாவட்ட அலுவலகத்தில் அதிமுக இணை ஒருங்கிணைப்பாளர் எடப்பாடி பழனிசாமி தொடங்கி வைத்துள்ளார்.

அதன்படி,முதற்கட்ட தேர்தல் இன்றும்,நாளையும்(13.12.2021 & 14.12.2021:) நடைபெறும் பகுதி:

• கன்னியாகுமரி கிழக்கு,கன்னியாகுமரி மேற்கு,தென்காசி வடக்கு, தென்காசி தெற்கு,சேலம் மாநகர்,சேலம் புறநகர், திருநெல்வேலி, விருதுநகர் கிழக்கு,விருதுநகர் மேற்கு,மதுரை மாநகர், மதுரை புறநகர் கிழக்கு, மதுரை புறநகர் மேற்கு,நாகப்பட்டினம்,
• மயிலாடுதுறை,பெரம்பலூர்,அரியலூர்,கரூர்,நீலகிரி,ஈரோடு மாநகர்,ஈரோடு புறநகர் மேற்கு,ஈரோடு புறநகர் கிழக்கு, நாமக்கல், விழுப்புரம்,கிருஷ்ணகிரி கிழக்கு,கிருஷ்ணகிரி மேற்கு, திருவண்ணாமலை வடக்கு,திருவண்ணாமலை தெற்கு, காஞ்சிபுரம், திருவள்ளூர் கிழக்கு,திருவள்ளூர் தெற்கு,திருவள்ளூர் வடக்கு,திருவள்ளூர் மத்தியம்,திருவள்ளூர் மேற்கு,செங்கல்பட்டு கிழக்கு,செங்கல்பட்டு மேற்கு.

2-வது கட்டத் தேர்தல் நடைபெறும் நாள்(22.12.2021 & 23.12.2021: ) மற்றும் பகுதிகள்: 

• • தூத்துக்குடி வடக்கு,தூத்துக்குடி தெற்கு,சிவகங்கை,ராமநாதபுரம்,தேனி, திண்டுக்கல் கிழக்கு,திண்டுக்கல் மேற்கு,திருவாரூர்,புதுக்கோட்டை வடக்கு,புதுக்கோட்டை தெற்கு,தஞ்சாவூர் வடக்கு,தஞ்சாவூர் தெற்கு,திருச்சி புறநகர் தெற்கு,திருச்சி மாநகர்,திருச்சி புறநகர் வடக்கு,கோவை மாநகர்,
  • கோவை புறநகர் வடக்கு,கோவை புறநகர் தெற்கு,திருப்பூர் புறநகர் மேற்கு,தருமபுரி,கள்ளக்குறிச்சி,வேலூர் மாநகர்,திருப்பத்தூர்,வேலூர் புறநகர்,கடலூர் வடக்கு,கடலூர் தெற்கு,கடலூர் கிழக்கு,கடலூர் மேற்கு,ராணிப்பேட்டை,வட சென்னை வடக்கு (கிழக்கு),வட சென்னை வடக்கு (மேற்கு),வட சென்னை தெற்கு (கிழக்கு),வட சென்னை தெற்கு (மேற்கு),சென்னை புறநகர்,தென் சென்னை வடக்கு (கிழக்கு),தென் சென்னை வடக்கு (மேற்கு),திருப்பூர் மாநகர்,தென் சென்னை தெற்கு (கிழக்கு),திருப்பூர் புறநகர் கிழக்கு,தென் சென்னை தெற்கு (மேற்கு).