நடிப்புக்கும், நட்புக்கும் இலக்கணமான நண்பர் ரஜினி அவர்களுக்கு வாழ்த்து – ஸ்டாலின்..!!

நடிப்புக்கும், நட்புக்கும் இலக்கணமானவர் என்று நடிகர் ரஜினிக்கு வாழ்த்து என்று முகஸ்டாலின் ட்வீட் செய்துள்ளார். 

நடிகர் ரஜினிகாந்த்திற்கு இந்திய சினிமாவில் வாழ்நாள் சாதனையாளர்களுக்கு வழங்கப்படும் உயரிய விருதான தாதா சாகேப் பால்கே விருதை மத்திய அரசு அறிவித்ததை தொடர்ந்து முதல்வர் உள்ளிட்ட அரசியல் தலைவர்கள் மற்றும் சினிமா பிரபலங்கள் என பலரும் வாழ்த்துக்களை தெரிவித்து வருகின்றனர்.

அந்தவகையில், திமுக தலைவைர் மு.க ஸ்டாலின் தனது வாழ்த்துக்களை ட்வீட்டர் பக்கத்தில் தெரிவித்துள்ளார். ” இனிய நண்பரும், தன்னிகரற்ற கலைஞனுமாகிய சூப்பர் ஸ்டார் ரஜிகாந்துக்கு, தாதா சாகேப் பால்கே விருது கிடைத்திருப்பதை அறிந்து மகிழ்கிறேன். தாமதம் என்றாலும் வரவேற்புக்குரியது! நடிப்புக்கும், நட்புக்கும் இலக்கணமான நண்பர் ரஜினி அவர்களின் கலைப்பயணம் என்றென்றும் இனிதே தொடர வாழ்த்துகள்” என்று தெரிவித்துள்ளார்.