பெங்களூருவில் கைதானவர்களை  தமிழக கியூபிரிவு விசாரிக்க நீதிமன்றம அனுமதி.!

• பெங்களூருவில் முகமது ஹனீப்கான், இம்ரான் கான், முகமது சையது ஆகிய 3 பேரை தமிழக கியூபிரிவு கைது செய்து சிறையில் அடைத்தனர்.
• கைதான 3 பேரையும் 10 நாள் போலீஸ் காவலில் விசாரிக்க கியூ பிரிவு போலீசாருக்கு சென்னை எழும்பூர் நீதிமன்றம அனுமதி வழங்கிய உள்ளது.

கடந்த 2015-ம் ஆண்டு சென்னை அம்பத்தூரில் திருவள்ளூர் மாவட்ட இந்து முன்னணி தலைவர் சுரேஷ்குமார் படுகொலை செய்யப்பட்டார்.இந்த கொலை வழக்கில் சையதுஅலி , காஜாமொய்தீன் ,அப்துல் சமீம் ஆகிய 3 பேரை போலீசார் கைது செய்து சிறையில் அடைத்தனர்.

பின்னர்  3 பேரும் ஜாமீனில் வெளியே வந்து தலைமறைவானார்கள். தலைமறைவான  3 பேரையும் கண்டுபிடிக்க உதவி செய்பவர்களுக்கு சன்மானம் வழங்கப்படும் என அறிவிக்கப்பட்டது. மேலும் அவர்களின் புகைப்படங்களையும் போலீசார் வெளியிட்டனர்.

இந்நிலையில் இவர்களுக்கு உதவி செய்ததாக பெங்களூருவில் முகமது ஹனீப்கான், இம்ரான் கான், முகமது சையது ஆகிய 3 பேரை தமிழக கியூபிரிவு கைது செய்து சிறையில் அடைத்தனர்.இவர்கள் தலைமறைவானவர்களுக்கு  செல்போன் மற்றும் சிம்கார்டுகளை வாங்கி கொடுத்த வந்ததாகவும் தகவல் வெளியாகி உள்ளது.

இந்நிலையில் பெங்களூருவில் கைதான 3 பேரையும் 10 நாள் போலீஸ் காவலில் விசாரிக்க கியூ பிரிவு போலீசாருக்கு சென்னை எழும்பூர் நீதிமன்றம் அனுமதி வழங்கிய உள்ளது. இவர்களுக்கு பல்வேறு அடிப்படைவாத அமைப்புகளுடன் தொடர்பு இருந்ததாக காவல்துறை குற்றச்சாட்டு முன் வைத்து உள்ளனர் என்பது குறிப்பிடத்தக்கது.