ரஜினிகாந்த் ஆதரவு பாஜகவிற்கு தேவையா ? குஷ்பு விளக்கம்
ரஜினிகாந்த் பாஜகவுக்கு ஆதரவு அளிக்க வேண்டும் என்பது அவசியமில்லை என்று பாஜகவை சேர்ந்த குஷ்பு தெரிவித்துள்ளார்.
நடிகர் ரஜினிகாந்த் ஏற்பட்ட இரத்தம் அழுத்தம் காரணமாக அண்மையில் ஹைதராபாத்தில் உள்ள மருத்துவமனையில் அனுமதிக்கப்பட்ட நிலையில் ,பின்பு டிஸ்சார்ஜ் செய்யப்பட்டு சென்னை திரும்பினார். இதைத்தொடர்ந்து, ரஜினி அறிவிப்பு ஒன்றை அறிவித்தார். அதில், தான் அரசியலுக்கு வரப்போவது இல்லை என்று அறிவித்தார். இவரின் அறிவிப்பு ரஜினி ரசிகர்கள் மத்தியில் பெரும் ஏமாற்றத்தை கொடுத்தது. அரசியல் கட்சி தொடங்கவில்லை என்று ரஜினி அறிவித்த நிலையில், தங்களது கட்சிக்கு ஆதரவு அளிக்க வேண்டும் என தமிழக அரசியல் கட்சியினர் பலர் தெரிவித்து வருகின்றனர்.குறிப்பாக தங்களது கட்சிக்கு ரஜினி குரல் கொடுக்க வேண்டும் என்றும் தெரிவித்து வருகின்றனர்.
இந்நிலையில் மதுரையில் பாஜக சார்பாக ” நம்ம ஊர் பொங்கல் விழா ” என்ற நிகழ்ச்சி நடந்தது.இந்த நிகழ்ச்சியில் சிறப்பு விருந்தினராக குஷ்பு கலந்து கொண்டார்.இதன் பின்னர் செய்தியாளர்களிடம் பேசிய குஷ்பு ,நடிகர் ரஜினிகாந்த் கட்சி தொடங்கவில்லை.இதனால் அவர் பாஜகவுக்கு ஆதரவு அளிக்க வேண்டும் என்பது அவசியமில்லை.பாஜகவிற்கு ஆதரவாக யாரும் குரல் கொடுக்க வேண்டும் என்பது அவசியமில்லை.பாஜகவிற்கு பிரதமர் மோடியின் குரல் மட்டும் போதும் என்று தெரிவித்துள்ளார்.
