சென்னை : ஏப்ரல் 29, 2026 அன்று, 22 கேரட் ஆபரணத் தங்கத்தின் விலை ஒரு சவரனுக்கு ரூ.1,200 குறைந்து ரூ.1,11,600-க்கு விற்பனை செய்யப்படுகிறது. அதேபோல், ஒரு கிராம் தங்கத்தின் விலை ரூ.150 குறைந்து ரூ.13,950-க்கு விற்பனையாகிறது.
நேற்று (ஏப்ரல் 28) ஒரு சவரன் தங்கம் ரூ.1,12,800-க்கு விற்பனையான நிலையில், இன்று ரூ.1,200 குறைந்துள்ளது. இந்தக் குறைவு, தங்கம் வாங்க விரும்பும் பொதுமக்களுக்கு சற்று நிம்மதியை அளித்துள்ளது.வெள்ளி விலையில் இன்று எந்த மாற்றமும் இல்லை.
ஒரு கிராம் வெள்ளியின் விலை ரூ.265-க்கும், ஒரு கிலோ பார் வெள்ளியின் விலை ரூ.2,65,000-க்கும் விற்பனை செய்யப்படுகிறது.சென்னை சில்லறை தங்கம் மற்றும் வெள்ளி வர்த்தக சந்தையில் இன்று ஏற்பட்ட இந்த விலை குறைவு, சர்வதேச சந்தை நிலவரம் மற்றும் உள்நாட்டு தேவை காரணமாக அமைந்துள்ளதாக வர்த்தகர்கள் தெரிவித்துள்ளனர்.
கடந்த சில நாட்களாக ஏற்ற இறக்கத்துடன் இருந்த தங்கம் விலை, இன்று குறைந்துள்ளது. திருமணம், பண்டிகை மற்றும் முதலீட்டு நோக்கங்களுக்காக தங்கம் வாங்க திட்டமிட்டிருப்பவர்கள், விலையின் ஏற்ற இறக்கத்தை கருத்தில் கொண்டு சந்தை நிலவரத்தை உன்னிப்பாக கவனித்து முடிவு எடுக்குமாறு வர்த்தகர்கள் அறிவுறுத்தியுள்ளனர்.