ஆன்லைனில் ஜல்லிக்கட்டு போட்டியை பதிவு செய்வதை கைவிட வலியுறுத்தி நூதன போராட்டம்.!

• ஜல்லிக்கட்டு போட்டியில் பங்கேற்கும் காளைகள் அனைத்தும் ஆன்லைனில் பதிவு செய்ய வேண்டும் என்று அரசு உத்தரவு.
• இதனால் காளை வளர்ப்போர் ஆன்லைன் ஜல்லிக்கட்டு முறையை கைவிட வலியுறுத்தி  திருச்சியில் நூதன போராட்டம் நடத்தினர்.

ஜல்லிக்கட்டு போட்டியில் பங்கேற்கும் காளைகள் அனைத்தும் ஆன்லைனில் பதிவு செய்ய வேண்டும் என்று அரசு உத்தரவு பிறப்பித்துள்ளது. இதனால், ஒரு காளை அதிகபட்சமாக ஒன்று மற்றும் இரண்டு போட்டியில் மட்டுமே பங்கேற்க முடியும். மேலும், காளை வளர்ப்போர் விருப்பப்படும் ஜல்லிக்கட்டு போட்டியில் பங்கேற்க முடியாத சூழல் ஏற்படும்.

இதனால், ஆன்லைன் ஜல்லிக்கட்டு போட்டியை பதிவு செய்வதை கைவிட வலியுறுத்தி காளை வளர்ப்போர், அரசின் கவனத்தை ஈர்க்கும் வகையில் திருச்சியில் திருவானைக்காவல் மேல கொண்டயம்பேட்டையை சேர்ந்த காளை வளர்ப்போர், தங்களது பத்துக்கும் மேற்பட்ட காளைகளை, ஜல்லிக்கட்டுக்கு அழைத்துச் செல்வதுபோல அலங்கரித்து தெருக்களில் ஊர்வலமாக அழைத்துச் சென்று நூதன போராட்டம் நடத்தினர்.