சென்னை : இன்று (ஏப்ரல் 30, 2026) சென்னையில் 19 கிலோ வணிக சிலிண்டரின் விலை ரூ.993 உயர்ந்து ரூ.3,237-க்கு விற்பனை செய்யப்படுகிறது. நேற்று வரை ரூ.2,244-க்கு விற்கப்பட்ட இந்த சிலிண்டர், இன்று மட்டும் ரூ.993 உயர்வு கண்டுள்ளது. இதனால் வணிக சிலிண்டர் விலை ரூ.3,237ஐ எட்டியுள்ளது.இந்த உயர்வு முக்கியமாக ஹோட்டல்கள், உணவகங்கள், சிறு தொழில் நிறுவனங்கள், பேக்கரிகள் மற்றும் உணவு தயாரிப்பு தொழில்களை கடுமையாகப் பாதிக்கும் என்று எதிர்பார்க்கப்படுகிறது.
பல ஹோட்டல் உரிமையாளர்கள் இந்த திடீர் விலை உயர்வால் தங்கள் வியாபாரம் பெரும் நஷ்டத்தை சந்திக்கும் நிலைக்கு தள்ளப்பட்டுள்ளதாகக் கவலை தெரிவித்துள்ளனர்.வீட்டு பயன்பாட்டுக்கான 14.2 கிலோ சமையல் சிலிண்டர் விலையில் மாற்றம் ஏதும் இல்லை. ஆனால் வணிகப் பயன்பாட்டு 19 கிலோ சிலிண்டர் விலை மட்டும் கடுமையாக உயர்ந்துள்ளது.
இந்திய அளவில் ஒப்பிடும்போது, டெல்லியில் 19 கிலோ வணிக சிலிண்டர் ரூ.3,071-க்கும், கொல்கத்தாவில் ரூ.3,202-க்கும் விற்பனை செய்யப்படுகிறது. சென்னையில் இன்று ஏற்பட்ட உயர்வுக்குப் பிறகு, சென்னை இந்தியாவிலேயே அதிக விலை கொண்ட நகரங்களில் ஒன்றாக மாறியுள்ளது.
இந்த திடீர் விலை உயர்வு எரிவாயு நிறுவனங்களின் கொள்கை மாற்றம் அல்லது சர்வதேச எரிவாயு விலை ஏற்ற இறக்கம் காரணமாக இருக்கலாம் என்று வர்த்தக வட்டாரங்கள் தெரிவிக்கின்றன.
இருப்பினும், இந்த உயர்வு சிறு மற்றும் நடுத்தர தொழில்களுக்கு பெரும் சுமையை ஏற்படுத்தியுள்ளது.ஹோட்டல் மற்றும் உணவகத் தொழில் நிறுவனங்கள் சங்கங்கள், இந்த விலை உயர்வை மறுபரிசீலனை செய்ய வேண்டும் என்று எரிவாயு நிறுவனங்கள் மற்றும் மத்திய அரசுக்கு வேண்டுகோள் விடுத்துள்ளன.