INDvsSA: தென்னாபிரிக்கா அணியை துவம்சம் செய்த இந்திய அணி..!

தென்னாபிரிக்க மகளிர் அணி இந்தியாவில் சுற்றுப்பயணம் செய்து இந்திய அணியுடன் 5 டி20 போட்டிகளில் விளையாட உள்ளனர். இந்த தொடரின் முதல் போட்டி நேற்று சூரத்தில் நடைபெற்றது.

இப்போட்டியில் டாஸ் வென்ற தென் ஆப்பிரிக்க அணி பவுலிங் தேர்வு செய்தது. முதலில் களமிறங்கிய இந்திய அணி 20 ஓவரில் 8 விக்கெட் இழந்து 130 ரன்கள் எடுத்தது. 131 ரன்கள் இலக்குடன் களமிறங்கிய தென் ஆபிரிக்க அணியில் மிக்னான் டு ப்ரீஸ் 59 ரன்கள் எடுத்தார்.

மற்ற வீரர்கள் சொற்ப ரன்களில் வெளியேற 19.5 ஓவர் முடிவில் தென் ஆப்பிரிக்க அணி 119 ரன்கள் எடுத்து ஆல் அவுட் ஆனது.இதனால் இந்திய அணி 11 ரன்கள் வித்தியாசத்தில் வெற்றி பெற்றது. போட்டியில் 3 விக்கெட் வீழ்த்திய தீப்தி சர்மா அவர்களுக்கு ஆட்ட நாயகி விருது கொடுக்கப்பட்டுள்ளது.நாளை இரண்டாவது போட்டி தொடங்குகிறது.