இன்றைய இறுதிப்போட்டியில் நோவக் ஜோகோவிச்- சிட்சிபாஸ் மோதல் ..!
பிரான்ஸ் ஓபன் டென்னிஸ் தொடரின் இறுதிப்போட்டியில் சிட்சிபாஸ் மற்றும் நோவக் ஜோகோவிச் மோதுகின்றனர்.
பிரான்ஸ் ஓபன் டென்னிஸ் தொடரில் நேற்று முன்தினம் இரவு நடந்த ஆண்கள் ஒற்றையர் பிரிவின் இரண்டாவது அரையிறுதியில் நோவக் ஜோகோவிச்- ரபேல் நடால் மோதினர். இந்த போட்டி 4 மணி நேரம் 22 நிமிடங்கள் நீடித்த நிலையில் 3-6, 6-3, 7-6,6-2 என்ற செட் கணக்கில் ரபேல் நடாலை வீழ்த்தி இறுதிப்போட்டிக்குள் நுழைந்தார்.
பிரான்ஸ் ஓபன் அரையிறுதியில் ரபேல் நடால் தோல்வியை தழுவியது இதுவே முதல் முறையாகும். இந்நிலையில், 18 கிராண்ட்ஸ்லாம் வென்ற நோவக் ஜோகோவிச் இன்று நடக்கும் இறுதிப்போட்டியில் முதல் முறையாக கிராண்ட்ஸ்லாம் இறுதி சுற்றுக்கு வந்துள்ள ஐந்தாம் நிலை வீரர் சிட்சிபாசை எதிர்கொள்கிறார்.
கடந்த ஆண்டு அரையிறுதியில் ஜோகோவிச்சுடன் மோதிய சிட்சிபாஸ் 2-3 என்ற செட் கணக்கில் தோற்றார். இருவரும் 7 முறை மோதியுள்ளதில் ஜோகோவிச் 5 வெற்றிகளுடன் முன்னிலை வகிக்கிறார்.
