நடிகர் வடிவேலு விரைவில் வீடு திரும்புவார் – மருத்துவமனை அறிக்கை..!
நடிகர் வடிவேலு விரைவில் டிஸ்சார்ஜ் செய்யப்பட உள்ளார் என மருத்துவமனை தரப்பில் அறிக்கை அளிக்கப்பட்டுள்ளது.
நடிகர் வடிவேலு இயக்குனர் சுராஜ் இயக்கத்தில் ” நாய் சேகர் ரிட்டர்ன்ஸ்” என்ற திரைப்படத்தில் நடித்து வருகிறார். இப்படத்தின் படக்குழுவினர் படப்பிடிப்புக்காக லண்டன் சென்று திரும்பிய நிலையில் நடிகர் வடிவேலுக்கு கடந்த 2 நாள் முன் கொரோனா உறுதியானது.இதைத்தொடர்ந்து, நடிகர் வடிவேலு சென்னையில் உள்ள தனியார் மருத்துவமனையில் அனுமதிக்கப்பட்டுள்ளார்.
இந்நிலையில், கொரோனாவுக்கு சிகிச்சை பெற்று வரும் நடிகர் வடிவேலுவின் உடல்நிலை சீராக உள்ளது. விரைந்து குணமடைந்து வரும் வடிவேலு விரைவில் டிஸ்சார்ஜ் செய்யப்பட உள்ளார் என மருத்துவமனை தரப்பில் அறிக்கை அளிக்கப்பட்டுள்ளது. நாய் சேகர் ரிட்டர்ன்ஸ் பட இயக்குனர் சுராஜ்-க்கும் கொரோனா உறுதி செய்யப்பட்டுள்ளது என்பது குறிப்பிடத்தக்கது.
