“அலி பாய் வலிமை அப்டேட்”…. மொயீன் அலியிடம் வலிமை அப்டேட் கேட்ட தல ரசிகர்கள்…!

சென்னை சேப்பாக்கம் மைதானத்தில் நடந்து வரும் டெஸ்ட் போட்டியில் தல ரசிகர் ஒருவர் வலிமை அப்டேட் கேட்கும் வீடியோ சமூக வலைத்தளங்களில் மிகவும் வைரலாகி வருகிறது.

நடிகர் அஜித் தற்போது வலிமை எனும் படத்தில் நடித்து வருகிறார்.போனி கபூர் தயாரிக்கும் இந்தப் படத்தினை ஹெச்.வினோத் இயக்குகிறார்.நேர் கொண்ட பார்வை படத்தின் வெற்றியை அடுத்து இந்த கூட்டணி வலிமை படத்தில் இணைந்துள்ளது .அம்மா-மகன் என்ற பாசப் பிணைப்பில் உருவாகும் இந்த படத்தில் அஜித் அவர்கள் ஐஏஎஸ் என்ற போலீஸ் அதிகாரியாக நடித்துள்ளார் என்று கூறப்படுகிறது .

தற்போது நடைபெற்று வரும வலிமை படத்தின் முழு படப்பிடிப்பும் பிப்ரவரி 15-ம் தேதிக்குள் முடிவடையும் என்றும் ,ஒரு ஸ்டண்ட் காட்சி மட்டும் படமாக்கப்பட உள்ளதாகவும்,விரைவில் போஸ்ட் புரொடக்ஷன் பணிகள் தொடங்கவுள்ளதாகவும், படத்தின் ரிலீஸ் தேதி முடிவு செய்துள்ளதாகவும் போனி கபூர் பேட்டி ஒன்றில் கூறியிருந்தார்.

இதுவரை இந்த படத்தின் டைட்டிலை தவிர எந்த அறிவிப்பும் வெளியாகவில்லை.எனவே தல ரசிகர்கள் முதல்வர் முதற்கொண்டு அனைத்து இடங்களிலும் வலிமை அப்டேட்டை கேட்டு வருகின்றனர். அந்த வகையில் இன்று இந்தியா மற்றும் இங்கிலாந்து கிரிக்கெட் அணிகளுக்கு இடையிலான 2-வது கிரிக்கெட் டெஸ்ட் போட்டி சென்னை சேப்பாக்கம் மைதானத்தில் நடந்து வருகிறது .அப்போது தல ரசிகர் ஒருவர் மைதானத்தில் நின்று கொண்டிருந்த இங்கிலாந்து கிரிக்கெட் அணி வீரரான மொயீன் அலியிடம் அலி பாய் வலிமை அப்டேட் என்று கேட்டுள்ளார் .இந்த வீடியோ சமூக வலைத்தளங்களில் மிகவும் வைரலாகி வருகிறது.ரசிகர்களின் இந்த செயலால் விரைவில் அப்டேட்டை படக்குழுவினர் வெளியிடுவார்களா என்பதை பொறுத்திருந்து தான் பார்க்க வேண்டும்.