பீஸ்ட் படத்தில் இணைந்த செல்வராகவன்.! அதிகாரப்பூர்வ அறிவிப்பு.!

பீஸ்ட் படத்தில் இயக்குனர் செல்வராகவன் இணைந்துள்ளதாக சன்பிக்கர்ஸ் நிறுவனம் அறிவித்துள்ளது.

இயக்குனர் நெல்சன் திலீப் குமார் இயக்கத்தில் நடிகர் விஜய் நடித்து வரும் திரைப்படம் பீஸ்ட். இந்த திரைப்படத்தில் விஜய்க்கு ஜோடியாக நடிகை பூஜா ஹெக்டே நடிக்கிறார். படத்தின் முதல் கட்ட படப்பிடிப்பு ஜார்ஜியாவில் முடிக்கப்பட்டது. அடுத்ததாக சென்னையில், இரண்டாம் கட்ட படப்பிடிப்பு கடந்த மாதம் தொடங்கப்பட்டு மாத இறுதியில் நிறைவு பெற்றது.

இதனை தொடர்ந்து மூன்றாம் கட்டப்படப்பிடிப்பு கடந்த சில நாட்களுக்கு முன்பு சென்னையில் தொடங்கப்பட்டது. தற்போது படத்தின் படப்பிடிப்பு விறுவிறுப்பாக நடைபெற்று வரும் நிலையில், தற்போது இந்த படத்தில் பிரபல இயக்குனரான செல்வராகவன் இணைந்துள்ளதாக சன்பிக்ச்சர்ஸ் நிறுவனம் அறிவித்துள்ளது. ஏற்கனவே இயக்குனர் செல்வராகவன் சாணிகாயிதம் படத்தில் நடித்து நடிகராக அறிமுமாக இருக்கிறார் என்பது குறிப்பிடத்தக்கது.