அமெரிக்காவில் 10 லட்சம் பேருக்கு கொரோனா பாதிப்பு! ஆனால் பலி எண்ணிக்கை குறைந்தது!

அமெரிக்காவில் கொரோனா தொற்றுக்கு பலியாவோரின் எண்ணிக்கை வெகுவாக குறைந்து வருகிறது.

முதலில் சீனாவில் பரவிய கொரோனா வைரஸ், தொடர்ந்து மற்ற நாடுகளையும் தாக்கி வருகிறது. உலக அளவில் 3,064,830 பேர் கொரோனா வைரஸால் பாதிக்கப்பட்டுள்ள நிலையில், 211,609 பேர் இதுவரை உயிரிழந்துள்ளனர். உலக நாடுகள் முழுவதும் இந்த கொரோனா வைரஸை கட்டுப்படுத்துவதற்கான தீவிர முயற்சியில் ஈடுபட்டு வருகின்றனர்.

அமெரிக்காவில் கடந்த சில வாரங்களாக, தினமும் 2,000-க்கும் மேற்பட்டோர் கொரோனாவால் உயிரிழந்து வந்த நிலையில், கடந்த இரண்டு நாட்களாக, பலி எண்ணிக்கை குறைந்துள்ளது. தற்போதைய நிலவரப்படி, அமெரிக்காவில் 10 லட்சத்து 10 ஆயிரத்து 356 பேருக்கு கொரோனா வைரஸ் பரவியுள்ள நிலையில், வைரஸ் தாக்குதலுக்கு நேற்று 1,384 பேர் உயிரிழந்துள்ளனர் என்பது குறிப்பிடத்தக்கது.