அமெரிக்காவில் கொரோனா வைரஸால் உயிரிழந்தவர்களின் எண்ணிக்கை 80 ஆயிரத்தை கடந்தது!

அமெரிக்காவில் கொரோனா வைரஸால் உயிரிழந்தவர்களின் எண்ணிக்கை 80 ஆயிரத்தை கடந்தது.

முதலில் சீனாவில் பரவிய கொரோனா வைரஸ், தொடர்ந்து பல நாடுகளை தாக்கி வருகிறது. இந்த வைரசின் தாக்கம் நாளுக்குநாள் அதிகரித்த வண்ணம் உள்ளதால், இந்த வைரஸை அழிப்பதற்கு மருந்து கண்டுபிடிக்கும் பணியில், உலக நாடுகள் தீவிரமாக இறங்கியுள்ளது. 

ஆனால், நாளுக்குநாள் புதிய அறிகுறிகளுடன் தாக்கும் இந்த கொரோனா வைரஸை முற்றிலுமாக அழிப்பதற்கு, உலக நாடுகள் இதுவரை எந்த மருந்தும் கண்டுபிடிக்கவில்லை. இந்நிலையில், இந்த வைரஸால் உலக அளவில் இதுவரை, 4,180,923 பாதிக்கப்பட்டுள்ள நிலையில், 283,868 பேர் உயிரிழந்துள்ளனர். 

இந்த வைரஸ் தாக்கத்தால், அதிகம் பாதிக்கப்பட்டவர்களின் எண்ணிக்கையிலும், உயிரிழந்தவர்களின் எண்ணிக்கையிலும் முதலிடத்தில் இருப்பது வல்லரசு நாடான அமெரிக்கா தான். இந்நிலையில், அமெரிக்காவில் இதுவரை, 1,367,638 பேர் இந்த வைரஸால் பாதிக்கப்பட்டுள்ள நிலையில், 80,787 பேர் உயிரிழந்துள்ளனர். மேலும், அமெரிக்காவில் நேற்று மட்டும் இந்த வைரஸ் தாக்கத்தால், 750 பேர் உயிரிழந்துள்ளனர். இதுவரை இந்த வைரஸால் உயிரிழந்தவர்களின் எண்ணிக்கையோடு ஒப்பிடும் போது, நேற்றைய உயிரிழப்பு எண்ணிக்கை குறைவாக தான் உள்ளது.