அவன் – இவன் பட வழக்கு – இயக்குனர் பாலா விடுவிப்பு.!

அவன் இவன் படத்தில் சிங்கம்பட்டி ஜமீனை அவதூறு படுத்தியதாக வழக்கு. இயக்குனர் பாலா விடுவிப்பு.

இயக்குனர் பாலா இயக்கத்தில் கடந்த 2011- ஆம் ஆண்டு வெளியான திரைப்படம் அவன் இவன். இந்த படத்தில் விஷால்- ஆர்யா இணைந்து நடித்திருந்தனர். படத்தில்  ஜமீன்தார் வகை வாரிசாக ஹைனஸ் என்ற ஜமீன்தார் தீர்த்தபதி கதாப்பாத்திரத்தில் நடிகர் ஜி.எம்.குமார் நடித்திருந்தார்.

இப்படத்தில் நெல்லை மாவட்டத்தில் உள்ள புகழ்பெற்ற சொரிமுத்து அய்யனார் கோவில் பற்றியும், சிங்கம்பட்டி ஜமீன்தார் பற்றியும் அவதூறாக சித்தரிக்கப்பட்டதாக இயக்குனர் பாலா மீது வழக்கு தொடரப்பட்டது. நடிகர் ஆர்யா தரப்பில் கடந்த மார்ச் மாதம் படத்தில் இடம்பெற்ற காட்சிகளுக்கு மன்னிப்பு கோரியதால் வழக்கில் இருந்து அவர்  விடுவிக்கப்பட்டார். ஆனால், இயக்குனர் பாலா ஆஜராகியும் வழக்கு விசாரணை தொடர்ந்து அம்பை கோர்ட்டில் நடைபெற்று வந்தது.

மேலும், இன்று மீண்டும் இந்த வழக்கு இன்று விசாரணைக்கு வந்தது. அப்போது மனுதாரர் குற்றத்தை முறையாக நிரூபணம் செய்யாததால், இயக்குனர் பாலா வழக்கில் இருந்து விடுவிக்கப்படுவதாக அம்பை குற்றவியல் நடுவர் நீதிமன்றம் உத்தரவிட்டது.