தளபதி-65 படத்தின் தரமான அப்டேட்.!
தளபதி-65 படத்தின் படப்பிடிப்பில் பூஜா ஹெக்டே ஏப்ரல் 10-ம் தேதிக்கு பின் கலந்து கொள்ள உள்ளதாகவ தகவல்கள் வெளியாகியுள்ளன.
விஜய் நடிப்பில் வெளியான மாஸ்டர் படம் 50 நாட்களுக்கு மேலாக இன்னும் சில திரையரங்குகளில் வெற்றிகரமாக ஓடி வருகிறது. இந்த வெற்றியை தொடர்ந்து அடுத்ததாக விஜய் இயக்குனர் நெல்சன் இயக்கத்தில் உருவாகவுள்ள தனது 65 வது படத்தில் நடிக்கவுள்ளார்.சன் பிக்சர்ஸ் தயாரிப்பில் அனிருத் இசையமைக்க உள்ள இந்த படத்திற்கான பூஜை இந்த மாதம் நடைபெறும் என்றும் ஏப்ரல் அல்லது மே மாதம் படப்பிடிப்பு தொடங்கும் என்று எதிர்பார்க்கப்படுகிறது.
இந்த படத்தில் விஜய்க்கு ஜோடியாக நடிகை பூஜா ஹெக்டே நடிக்கவுள்ளார். ஒளிப்பதிவாளராக மனோஜ் பரமஹம்சா பணியாற்ற உள்ளதாகவும், நடன இயக்குனராக ஜானி மாஸ்டர் பணியாற்ற உள்ளதாகவும், அவர்களே அதிகாரப்பூர்வமாக அறிவித்திருந்தனர்.
இந்த நிலையில் ஏப்ரல் 6-ம் தேதி தமிழகத்தேர்தல் அறிவிக்கப்பட்டுள்ளதால் இந்த படத்திற்கான படப்பிடிப்பு ஏப்ரல் மாதம் இறுதியில் அல்லது மே மாதம் தொடங்கும் என்றும் ஒரு தகவல் வெளியாகியிருந்தது.ஆனால் இதில் எது உண்மை என்பது தெரியவில்லை.இந்த நிலையில் தற்போது தளபதி-65 படத்தில் ஹீரோயினாக நடிக்க உள்ளதாக கூறப்படும் பூஜா ஹெக்டே இந்த படத்திற்காக 50 நாட்களுக்கான கால்ஷீட் கொடுத்துள்ளதாகவும் , ஏப்ரல் 10-ம் தேதிக்கு பின் தளபதி 65 படத்திற்கான படப்பிடிப்பில் பூஜா ஹெக்டே கலந்து கொள்ள உள்ளதாகவும் தகவல்கள் வெளியாகியுள்ளன.
