’பென்ஸ்’ பட ஒளிப்பதிவாளரை திருமணம் செய்யப்போகும் நடிகை தான்யா!

சென்னை : நடிகை தன்யா ரவிச்சந்திரனுக்கும், ‘பென்ஸ்’ திரைப்பட ஒளிப்பதிவாளர் கௌதம் ஜார்ஜுக்கும் திருமண நிச்சயதார்த்தம் சென்னையில் நடைபெற்றது. ஜூலை 15 அன்று சென்னை, அடையாறில் உள்ள ஒரு தனியார் மண்டபத்தில் காலை 10 மணிக்கு நடந்ததாகவும் கூறப்படுகிறது. இது ஒரு எளிய, ஆனால் மகிழ்ச்சியான விழாவாக, குடும்ப உறவினர்கள் மற்றும் நெருங்கிய நண்பர்கள் மட்டுமே பங்கேற்று நடத்தப்பட்டது. தன்யாவின் ரசிகர்கள் மற்றும் திரையுலக வட்டாரங்களில் இந்த செய்தி பரவியதும், சமூக வலைதளங்களில் வாழ்த்துகள் குவிந்தன.

தன்யா ரவிச்சந்திரன், 32 வயதான தமிழ் திரைப்பட நடிகை, ‘கருப்பன், ‘ராசாக்கண்ணு’ (2021), உள்ளிட்ட படங்களில் நடித்துள்ளார். தமிழ் மட்டுமல்லாமல், தெலுங்கு மற்றும் கன்னட படங்களிலும் இவர் நடித்துள்ளார். சென்னையைச் சேர்ந்த தன்யா, தனது இயல்பான நடிப்பு மற்றும் அழகால் தமிழ் சினிமாவில் தனி இடம் பிடித்தவர். இவரது தந்தை ரவிச்சந்திரன் ஒரு தொழிலதிபர், மற்றும் குடும்பம் சென்னையில் வசிக்கிறது.

அதைப்போல, கௌதம் ஜார்ஜ், 34 வயதான ஒளிப்பதிவாளர், ‘பென்ஸ்’ (2024) திரைப்படத்தில் தனது ஒளிப்பதிவு மூலம் கவனம் ஈர்த்தவர். இன்னும் இந்த படம் வெளியாகவில்லை ஆனால், படத்திற்கான சின்ன ப்ரோமோ வெளியாகியிருந்தது அதிலே அவருடைய கலை தெரிந்தது. இந்த படத்தில் அவரது காட்சி அமைப்புகள் மற்றும் ஒளியமைப்பு, படத்தின் கதையை உணர்வுப்பூர்வமாகவும், பிரம்மாண்டமாகவும் வெளிப்படுத்தும் என எதிர்பார்க்கப்படுகிறது.

கேரளாவைச் சேர்ந்த கௌதம், தமிழ் மற்றும் மலையாள திரையுலகில் பணியாற்றி வருகிறார். ‘பென்ஸ்’ படப்பிடிப்பின் போது தன்யாவும் கௌதமும் சந்தித்து, அவர்களது நட்பு காதலாக மாறி, இப்போது நிச்சயதார்த்தம் வரை வந்துள்ளதாக கூறப்படுகிறது. விழாவில் மோதிரம் மாற்றிக்கொள்ளும் நிகழ்ச்சி மற்றும் பாரம்பரிய முறையில் பூஜைகள் நடைபெற்றன. இரு குடும்பத்தினரும், சுமார் 50-60 நெருங்கிய உறவினர்களும், திரையுலக நண்பர்களும் கலந்துகொண்டனர். விழாவைத் தொடர்ந்து, தன்யாவின் இன்ஸ்டாகிராம் பக்கத்தில் வெளியிடப்பட்ட புகைப்படங்கள் வைரலாகின. திருமணம் 2026 தொடக்கத்தில் நடைபெறலாம் எனத் தகவல்கள் தெரிவிக்கின்றன. விரைவில் அதற்கான அறிவிப்பு வரும் எனவும் எதிர்பார்க்கப்படுகிறது.

 

View this post on Instagram

 

A post shared by Tanya S Ravichandran (@itstanya_official)