டெல்லி : இந்தியாவின் பெர்ஃபார்மன்ஸ் (Performance) ஸ்கூட்டர் சந்தை தற்போது இரண்டு முற்றிலும் மாறுபட்ட தொழில்நுட்ப மோதல்களால் விறுவிறுப்பாக இயங்கி வருகிறது. ஒருபுறம், அசாத்திய எலக்ட்ரிக் பவர், அதிரடி பிக்கப் மற்றும் அதிநவீன தொழில்நுட்பங்களுடன் மின்சார உலகின் சாம்பியனாக வலம் வரும் ஏத்தர் 450 அபெக்ஸ் (Ather 450 Apex). மறுபுறம், 149.7cc பெரிய பெட்ரோல் இன்ஜினுடன், எப்போதுமே நம்பகமான பாரம்பரிய ரைடிங் அனுபவத்தைத் தரும் டிவிஎஸ் என்டார்க் 150 (TVS NTORQ 150). நல்ல அதிரடி வேகம், ஸ்போர்ட்டியான லுக் மற்றும் மாஸ் ஃபீச்சர்ஸ் கொண்ட ஒரு வண்டியைத் தேடும் பைக் பிரியர்களுக்கு இந்த இரண்டில் எது பெஸ்ட் சாய்ஸ் என்பதை இந்த பதிவில் விவரமாக விரிவாக பார்ப்போம்.
விலை விவரம்
பொறுத்தவரை இரண்டு வண்டிகளுக்கும் இடையே ஒரு மிகப்பெரிய வித்தியாசமே உள்ளது. ஏத்தர் 450 அபெக்ஸ் மாடலானது ஏத்தர் நிறுவனத்தின் ஒட்டுமொத்த தொழில்நுட்பமும் அள்ளி வழங்கப்பட்ட ஒரு மிக உயர்தரமான பிரீமியம் எலக்ட்ரிக் ஸ்கூட்டர் என்பதால், இதனுடைய எக்ஸ்-ஷோரூம் விலை சுமார் ரூ.1.95 லட்சம் என்ற பிரீமியம் விலையில் ஒரே ஒரு முழுமையான வேரியண்ட்டில் மட்டுமே கிடைக்கிறது.அதே சமயம், டிவிஎஸ் என்டார்க் 150 கார் வாடிக்கையாளர்களின் பட்ஜெட்டிற்குள் மிகக் கச்சிதமாக அடங்குகிறது. இதனுடைய ஆரம்ப மாடல் (Standard) டெல்லியில் சுமார் ரூ.1.09 லட்சம் எக்ஸ்-ஷோரூம் விலையிலும், அதிநவீன டிஸ்ப்ளே கொண்ட டாப்-எண்ட் டிஎஃப்டி (TFT) வேரியண்ட் மாடல் சுமார் ரூ.1.18 லட்சம் விலையிலும் கிடைக்கிறது (தமிழ்நாட்டின் மாவட்டங்களைப் பொறுத்து ஆன்-ரோடு விலை சற்று மாறலாம்). ஆரம்ப முதலீடு மிகக் குறைவாக இருக்க வேண்டும் என்று நினைப்பவர்களுக்கு டிவிஎஸ் என்டார்க் 150 தான் மிகப்பெரிய பிளஸ் ஆகும்.
செயல்திறன் மற்றும் மைலேஜ்
செயல்திறனைப் பொறுத்தவரை ஏத்தர் 450 அபெக்ஸ் ஸ்கூட்டரில் 7 kW எலக்ட்ரிக் மோட்டார் பொருத்தப்பட்டுள்ளது, இது 26 என்எம் (Nm) டார்க் திறனை வெளிப்படுத்துகிறது. எலக்ட்ரிக் வண்டிகளில் ஆக்சிலரேட்டரை முறுக்கிய அடுத்த நொடியே முழு இழுவைத்திறனும் கிடைத்துவிடுவதால், இந்த வண்டி வெறும் 2.9 நொடிகளிலேயே 0-விலிருந்து 40 கிமீ வேகத்தை மின்னல் வேகத்தில் எட்டிப்பிடித்துவிடுகிறது. இதனுடைய அதிகபட்ச வேகம் மணிக்கு 100 கிலோமீட்டர் (Top Speed) ஆகும். இதில் 3.7 kWh பேட்டரி பயன்படுத்தப்பட்டுள்ளதால் சிங்கிள் சார்ஜில் 157 கிமீ மைலேஜ் (IDC Range) கிடைக்கும். நிஜ உலகப் பயன்பாட்டில் (TrueRange) ஈகோ மோடில் 110 கிமீ, ரைடு மோடில் 95 கிமீ மற்றும் ஸ்போர்ட் மோடில் 90 கிமீ வரை உறுதியான மைலேஜ் கிடைக்கும்.
மறுபுறம், டிவிஎஸ் என்டார்க் 150 காரில் 149.7cc சிங்கிள் சிலிண்டர், 3-வால்வு பவர்ஃபுல் பெட்ரோல் இன்ஜின் பயன்படுத்தப்பட்டுள்ளது. இது 13.2 PS பவரையும், 14.2 Nm டார்க் திறனையும் வாரி வழங்குகிறது. இது பூஜ்ஜியத்தில் இருந்து 60 கிமீ வேகத்தை எட்ட 6.3 நொடிகள் எடுத்துக்கொள்கிறது. இதனுடைய அதிகாரப்பூர்வ அதிகபட்ச வேகம் மணிக்கு 104 கிலோமீட்டர் ஆகும், இது ஏத்தரை விட சற்று கூடுதலாக இருக்கும். மைலேஜைப் பொறுத்தவரை, இந்த பெரிய 150cc ஸ்போர்ட்டி ஸ்கூட்டர் ஒரு லிட்டர் பெட்ரோலுக்கு சுமார் 40 கிலோமீட்டர் வரை மைலேஜ் வழங்கும். நாம் வண்டியை ஓட்டும் விதம் மற்றும் டிராஃபிக்கைப் பொறுத்து மைலேஜ் சற்று மாறலாம்.
சார்ஜிங் Vs பெட்ரோல்
எலக்ட்ரிக் மற்றும் பெட்ரோல் வண்டிகளுக்கு இடையே இருக்கும் மிக முக்கிய எதார்த்தமான வேறுபாடு இதுதான். ஏத்தர் 450 அபெக்ஸ் ஸ்கூட்டரை வீட்டில் இருக்கும் சார்ஜர் மூலம் 0-விலிருந்து 80 சதவீதம் வரை சார்ஜ் செய்ய தோராயமாக 3 மணி நேரம் 12 நிமிடங்கள் ஆகும். முழுமையாக சார்ஜ் ஆக 5 மணி நேரம் 15 நிமிடங்கள் வரை எடுக்கும். இதன் பிளஸ் பாயிண்ட் என்னவென்றால், தினசரி பெட்ரோல் பங்கிற்குச் சென்று காசை கரியாக்க வேண்டிய அவசியம் இல்லை, வீட்டிலேயே எளிதாக சார்ஜ் செய்து கொள்ளலாம்.டிவிஎஸ் என்டார்க் 150 ஸ்கூட்டரில் 5.8 லிட்டர் கொள்ளளவு கொண்ட பெட்ரோல் டேங்க் கொடுக்கப்பட்டுள்ளது.
இதில் சார்ஜ் ஏறும் வரை பல மணி நேரம் காத்திருக்க வேண்டிய அவசியமே இல்லை. பெட்ரோல் பங்கிற்குச் சென்று சில நிமிடங்களில் டேங்க்கை நிரப்பிவிட்டு, எவ்வளவு தூரம் வேண்டுமானாலும் லாங் ரைடு தொடர்ந்து பயணிக்கலாம். அவசரமாக லாங் டிஸ்டன்ஸ் செல்பவர்களுக்கு இந்த பெட்ரோல் சௌகரியம் எப்போதுமே ஒரு பெரிய பிளஸ் ஆகும்.
வண்டியில் வேற என்ன ஸ்பெஷல் இருக்கு?
தொழில்நுட்பத்தில் ஏத்தர் 450 அபெக்ஸ் ஒரு விண்வெளி வண்டியைப் போலக் காட்சியளிக்கிறது. இதில் கூகுள் மேப்ஸ் (Google Maps) நேவிகேஷன் வசதியுடன் கூடிய வண்ணமயமான டிஎஃப்டி திரை, வண்டியை ஒரே வேகத்தில் செலுத்த உதவும் இன்ஃபினைட் குரூஸ் கன்ரோல் (Infinite Cruise), பிரேக் பிடிக்காமல் ஆக்சிலரேட்டரை பின்னோக்கித் திருப்பினாலே வண்டியை ஸ்மூத்தாக நிறுத்தும் மேஜிக் ட்விஸ்ட் (Magic Twist) மற்றும் வழுக்கலான சாலைகளில் வண்டி சறுக்காமல் தடுக்கும் மல்டி-மோடு டிராக்ஷன் கன்ட்ரோல் சிஸ்டம் என எக்கச்சக்க வசதிகள் உள்ளன.
மேலும், ஓடிஏ (OTA) சாப்ட்வேர் அப்டேட்டுகள் மூலம் வண்டியின் வசதிகள் அப்டேட் ஆகிக்கொண்டே இருக்கும். இதில் வண்டியின் பவரை முழுமையாக வெளிப்படுத்த 'வார்ப்+' (Warp+) என்ற பிரத்யேக ரைடிங் மோடும் உள்ளது.டிவிஎஸ் என்டார்க் 150 மாடலும் தொழில்நுட்பத்தில் சளைத்தது அல்ல. இதன் டாப் வேரியண்ட்டில் ஸ்மார்ட் எக்ஸ்கனெக்ட் (SmartXonnect) ப்ளூடூத் கனெக்டிவிட்டி, வாய்ஸ் அசிஸ்டண்ட் (Voice Assistance), மேப் நேவிகேஷன், அலெக்ஸா மற்றும் ஸ்மார்ட்வாட்ச் ஒருங்கிணைப்பு போன்ற வசதிகள் உள்ளன. முக்கியமாக, ஒரு பெட்ரோல் ஸ்கூட்டராக இருந்தாலும் இதில் ஏபிஎஸ் (ABS) பிரேக்கிங் மற்றும் டிராக்ஷன் கன்ட்ரோல் போன்ற மிக உயர்தரமான பாதுகாப்பு வசதிகள் கொடுக்கப்பட்டுள்ளது இந்த பிரிவிலேயே மிகப்பெரிய சிறப்பம்சமாகும். இதில் ஸ்ட்ரீட் மற்றும் ரேஸ் (Street & Race) என இரண்டு ரைடிங் மோடுகளும், திடீரென வேகம் எடுக்க உதவும் ஐகோ அசிஸ்ட் (iGO Assist) தொழில்நுட்பமும் உள்ளது.
இடவசதி
இடவசதியைப் பொறுத்தவரை டிவிஎஸ் என்டார்க் 150 ஸ்கூட்டர் தெளிவான முன்னணியில் உள்ளது. இதன் சீட்டுக்கு அடியில் வீட்டுச் சாமான்கள், பைகள் மற்றும் ஹெல்மெட்டுகளைப் பாதுகாப்பாக வைக்க 22 லிட்டர் கொள்ளளவு கொண்ட மிகப்பெரிய ஸ்டோரேஜ் ஸ்பேஸ் கொடுக்கப்பட்டுள்ளது. ஆனால், ஏத்தர் 450 அபெக்ஸ் முழுக்க முழுக்க ஸ்போர்ட்டியான பெர்ஃபார்மன்ஸ் மற்றும் லேட்டஸ்ட் டிசைனிற்கு முக்கியத்துவம் கொடுத்து உருவாக்கப்பட்டுள்ளதால், என்டார்க் அளவுக்குப் பெரிய சீட் ஸ்டோரேஜ் வசதியை இதில் எதிர்பார்க்க முடியாது.
இரண்டில் யாருக்கு எது பெஸ்ட்?
உங்களுக்கு ரூ.1.20 லட்சம் பட்ஜெட்டிற்குள் ஒரு பவர்ஃபுல்லான வண்டி வேண்டும், சார்ஜ் ஏறும் வரை பல மணி நேரம் காத்திருக்கப் பிடிக்காது, எப்போது வேண்டுமானாலும் பெட்ரோல் போட்டு லாங் ரைடு கிளம்ப வேண்டும், அத்துடன் 22 லிட்டர் பெரிய ஸ்டோரேஜ் ஸ்பேஸ் மற்றும் ஏபிஎஸ் பிரேக், டிராக்ஷன் கன்ட்ரோல் போன்ற அதிரடி பாதுகாப்பு வசதிகள் நிறைந்த ஒரு மாஸ் பெட்ரோல் ஸ்கூட்டர் வேண்டும் என்று நினைத்தால், உங்களுக்கு டிவிஎஸ் என்டார்க் 150 (TVS NTORQ 150) தான் மிகச்சிறந்த பெஸ்ட் சாய்ஸ்.
குறைந்த விலையில் அதிக லாபம் தரும் வண்டி இதுவாகும்.ஆனால், உங்களுக்கு பட்ஜெட் ஒரு பெரிய விஷயம் இல்லை, பெட்ரோல் செலவே இல்லாமல் வண்டியை ஓட்ட வேண்டும், சிக்னலில் இருந்து வண்டியை எடுக்கும்போது மின்னல் வேகத்தில் சீறிப்பாயும் வார்ப்+ மோடின் அதிரடி பிக்கப் வேண்டும், அத்துடன் கூகுள் மேப்ஸ், மேஜிக் ட்விஸ்ட் போன்ற உலகத்தரம் வாய்ந்த புத்தம் புதிய தொழில்நுட்ப வசதிகளுடன் ஒரு பிரீமியம் பெர்ஃபார்மன்ஸ் இவி ஸ்கூட்டரை ஓட்ட ஆசைப்படுபவர்கள் கண்ணை மூடிக்கொண்டு ஏத்தர் 450 அபெக்ஸ் (Ather 450 Apex) மாடலைத் தேர்வு செய்யலாம்!