டெல்லி : ஹோண்டா மோட்டார்சைக்கிள் அண்ட் ஸ்கூட்டர் இந்தியா (HMSI) நிறுவனம் இன்று ஒரே ரோடுஸ்டர்கள், க்ரூசர்கள், அட்வென்ச்சர் மோட்டார்சைக்கிள்கள் மற்றும் ஸ்கூட்டர்கள் எனப் பல்வேறு பிரிவுகளைச் சேர்ந்த 10 புதிய தங்களுடைய தயாரிப்புகளை இந்தியாவில் பிரம்மாண்டமாக அறிமுகப்படுத்தியுள்ளது.
இதில் முற்றிலும் புதிய வாகனங்களும், மேம்படுத்தப்பட்ட மாடல்களும் அடங்கும். CB500, CB350, CB350RS, CB350C, ரெபல் 300 இ-கிட்ச் (Rebel 300 E-Clutch), ரெபல் 500 இ-கிட்ச் (Rebel 500 E-Clutch), ADV160, XR300L, XR300 ரலி மற்றும் QC3 உள்ளிட்ட மாடல்கள் இந்த மெகா நிகழ்வில் காட்சிப்படுத்தப்பட்டுள்ளன.
ஹோண்டா ADV160
இந்த நிகழ்வில் பல பைக்குகள் இருந்தாலும், பலருடைய கவனத்தையும் ஈர்த்த முக்கிய வாகனம் என்றால் ஹோண்டா ADV160 தான். ஏனென்றால், இந்த வாகனம் "இந்தியாவில் தயாரிக்கப்பட்டு உலகிற்கு வழங்கப்படுகிறது" (Made in India, Made for the World). இந்த வாகனத்தில் பொருத்தப்பட்டிருக்கும் பொருட்கள் பல இந்தியாவின் ஏற்றுமதி திறனை மையமாகக் கொண்டு இந்த அட்வென்ச்சர்-ஸ்டைல் மேக்ஸி-ஸ்கூட்டர் உருவாக்கப்பட்டுள்ளது. குறிப்பாக, இது E85 ஃப்ளெக்ஸ்-ஃபியூவல் (Flex-Fuel) தொழில்நுட்பத்திற்கு ஏற்ப வடிவமைக்கப்பட்டுள்ளது.
இன்ஜின் விவரம்
Honda ADV160 ஸ்கூட்டரில் 157சிசி லிக்யூட்-கூல்டு, சிங்கிள்-சிலிண்டர் இன்ஜின் வழங்கப்பட்டுள்ளது. இந்த இன்ஜின் அதிகபட்சமாக 16 பிஎஸ் சக்தியையும் 14.7 என்எம் டார்க்கையும் (இழுவைத் திறன்) உருவாக்கும். இதனால் நகரப் பயணத்திலும், நெடுஞ்சாலை பயணத்திலும் சிறப்பான செயல்திறன் கிடைக்கும்.
இதில் CVT ஆட்டோமேட்டிக் கியர்பாக்ஸ் இருப்பதால், கியர் மாற்ற வேண்டிய அவசியமின்றி மிகவும் சுலபமாக ஓட்ட முடியும். இந்தியாவில் இந்த ஸ்கூட்டர் அறிமுகமானால், E20 (20% எத்தனால் கலந்த பெட்ரோல்) பயன்படுத்தும் வகையில் இன்ஜினில் மாற்றங்கள் செய்யப்படலாம் என எதிர்பார்க்கப்படுகிறது.
இதில் CVT ஆட்டோமேட்டிக் டிரான்ஸ்மிஷன் இருப்பதால், கியரை தனியாக மாற்ற வேண்டிய அவசியம் இல்லை. ஆக்சிலரேட்டரை திருப்பினால் வேகத்திற்கு ஏற்ப கியர் தானாகவே மாறிக்கொள்ளும். இதனால் நகரப் போக்குவரத்தில் ஓட்டுவது மிகவும் எளிதாக இருக்கும்.
எதிர்பார்க்கப்படும் மைலேஜ் விவரங்கள்
ஹோண்டா ADV160 ஸ்கூட்டர், நகர்ப்புறம் மற்றும் நெடுஞ்சாலைப் பயணங்களில் லிட்டருக்கு சுமார் 40 முதல் 45 கி.மீ வரை மைலேஜ் வழங்கும் என எதிர்பார்க்கப்படுகிறது. மேலும், இதில் 8.1 லிட்டர் கொள்ளளவு கொண்ட பெரிய பெட்ரோல் டேங்க் இருப்பதால், அடிக்கடி பெட்ரோல் நிரப்ப வேண்டிய அவசியம் குறையும். இதன் மூலம் நீண்ட தூரப் பயணங்களையும் இடைநிறுத்தம் இல்லாமல் வசதியாக மேற்கொள்ள முடியும்.
முக்கிய அம்சங்கள்
சக்கரங்கள் மற்றும் சஸ்பென்ஷன் : ஹோண்டா ADV160-ல் முன்புறத்தில் 14 இன்ச் மற்றும் பின்புறத்தில் 13 இன்ச் அலாய் வீல்கள் வழங்கப்பட்டுள்ளன. மேலும், மோசமான சாலைகளிலும் வசதியான பயண அனுபவத்தை வழங்க முன்புறத்தில் டெலஸ்கோபிக் ஃபோர்க் சஸ்பென்ஷனும், பின்புறத்தில் இரட்டை ஷாக் அப்சார்பர்களும் இடம்பெற்றுள்ளன.
அம்சங்கள் : இந்த ஸ்கூட்டரில் முழு டிஜிட்டல் இன்ஸ்ட்ரூமென்ட் கிளஸ்டர், கீலெஸ் இக்னிஷன், ஐடில் ஸ்டாப்-ஸ்டார்ட் தொழில்நுட்பம், உயரத்தை மாற்றிக்கொள்ளக்கூடிய விண்ட்ஸ்கிரீன் மற்றும் முழு LED லைட்டிங் உள்ளிட்ட பல நவீன வசதிகள் வழங்கப்பட்டுள்ளன.
சேமிப்பு வசதி : இருக்கைக்கு அடியில் 27 லிட்டர் கொள்ளளவு கொண்ட பெரிய ஸ்டோரேஜ் வழங்கப்பட்டுள்ளது. மேலும், முன்புறத்தில் 2 லிட்டர் சேமிப்பு இடம் மற்றும் USB சார்ஜிங் போர்ட் இடம்பெற்றுள்ளது. அதோடு, 165 மிமீ கிரவுண்ட் கிளியரன்ஸ் இருப்பதால், மேடுபள்ளமான சாலைகளிலும் எளிதாக ஓட்ட முடியும்.
எதிர்பார்க்கப்படும் விலை?
இந்த ஹோண்டா ADV160 ஸ்கூட்டர் இந்திய சந்தையில் அதிகாரப்பூர்வமாக விற்பனைக்கு வரும் பட்சத்தில், இதன் எக்ஸ்-ஷோரூம் விலை தோராயமாக ரூ. 1.30 லட்சம் முதல் ரூ. 1.60 லட்சம் வரை நிர்ணயிக்கப்படலாம் என ஆட்டோமொபைல் துறை நிபுணர்கள் கணிக்கின்றனர். மேக்ஸி-ஸ்கூட்டர் பிரியர்களுக்கு இது ஒரு சிறந்த மற்றும் நவீன தேர்வாக அமையும் என்பதில் ஐயமில்லை. இன்று அறிமுகப்படுத்தப்பட்டுள்ள நிலையில், விரைவில் விலை அதிகாரப்பூர்வமாக அறிவிக்கப்படும்.