டெல்லி : இந்திய இருசக்கர வாகனச் சந்தையில் கடந்த ஆகஸ்ட் 2026-ல் வாடிக்கையாளர்களைக் கவரும் வகையில் பல புதிய ஸ்கூட்டர்கள் அடுத்தடுத்து களமிறங்கின. குறிப்பாக, எலக்ட்ரிக் ஸ்கூட்டர்கள் கடந்த மாதத்தில் மிக முக்கிய இடத்தைப் பிடித்துள்ளன. தினசரி வேலைக்குச் செல்பவர்கள் எளிதாக வாங்கும் வகையில் மிகக் குறைந்த ஆரம்ப விலை, பெரிய பேட்டரி தேர்வுகள் மற்றும் அசத்தலான மைலேஜ் வசதிகளுடன் முன்னணி நிறுவனங்கள் தங்களது புதிய தயாரிப்புகளை அறிமுகப்படுத்தியுள்ளன.
அந்த வகையில், கடந்த ஆகஸ்ட் மாதம் அறிமுகமாகி பெரும் கவனத்தை ஈர்த்துள்ள ஏத்தர் கோனார்க் (Ather Konarc), ஓலா S1 Z (Ola S1 Z) மற்றும் இ3 ட்ரையான் சீரிஸ் (E3 Trion Series) ஆகிய மூன்று முக்கிய எலக்ட்ரிக் ஸ்கூட்டர்களின் விலை, மைலேஜ் மற்றும் சார்ஜிங் நேர விபரங்களை பார்ப்போம்.
ஏத்தர் கோனார்க்
லக்ட்ரிக் ஸ்கூட்டர் தயாரிப்பில் நம்பகத்தன்மைக்கு பெயர் பெற்ற ஏத்தர் எனர்ஜி நிறுவனம், எளிய நடுத்தர மக்களையும் கவரும் நோக்கில் அறிமுகப்படுத்திய மாடல்தான் ஏத்தர் கோனார்க் ஆகும். இந்த ஸ்கூட்டரின் ஆரம்ப எக்ஸ்-ஷோரூம் விலை வெறும் ரூ. 99,999 மட்டுமே. ஏத்தர் நிறுவனத்தின் தயாரிப்புகளிலேயே மிகக் குறைந்த விலையில் கிடைக்கும் ஸ்கூட்டராக இது உருவெடுத்துள்ளது.
மைலேஜ் விஷயத்தில் இந்த ஸ்கூட்டர் வாடிக்கையாளர்களுக்குப் பெரிய ஆச்சரியத்தை அளிக்கிறது. வாடிக்கையாளர்கள் தேர்வு செய்யும் பேட்டரி வேரியண்ட்டைப் பொறுத்து, ஒரே ஒரு முறை முழுமையாக சார்ஜ் செய்தால் அதிகபட்சமாக 200 கிலோமீட்டர் வரை மைலேஜ் (Certified Range) தரும் என்று சான்றளிக்கப்பட்டுள்ளது. சார்ஜிங் நேரத்தைப் பொறுத்தவரை, நீங்கள் தேர்வு செய்யும் பேட்டரி அளவு மற்றும் பயன்படுத்தும் சார்ஜருக்கு ஏற்ப நேரம் மாறுபடும் என்றாலும், வீட்டில் இருக்கும் சாதாரண சாக்கெட் மூலமாகவே இதை எளிதாக சார்ஜ் செய்துவிட முடியும். ஒரு லட்சத்திற்கும் குறைவான விலையில் 200 கிமீ வரை மைலேஜ் தருவதால், பெட்ரோல் ஸ்கூட்டரில் இருந்து எலக்ட்ரிக் உலகிற்கு மாற நினைக்கும் தினசரி பயன்பாட்டாளர்களுக்கு இது ஒரு அருமையான தேர்வாகும்.
ஓலா S1 Z
எப்போதுமே விலையைக் குறைத்து வாடிக்கையாளர்களைக் கவர்வதில் அதிரடி காட்டும் ஓலா நிறுவனம், தனது S1 Z மாடலை இரண்டு வெவ்வேறான பேட்டரி ஆப்ஷன்களில் களமிறக்கியுள்ளது. இதனுடைய 3.1kWh பேட்டரி கொண்ட ஆரம்ப மாடல் ரூ.79,999 என்ற மிகக் குறைந்த எக்ஸ்-ஷோரூம் விலையிலும், பெரிய 5.2kWh பேட்டரி கொண்ட டாப் மாடல் ரூ.99,999 என்ற விலையிலும் கிடைக்கிறது.இதில் இருக்கும் பெரிய 5.2kWh பேட்டரி வேரியண்ட் மிக நீண்ட தூரம் பயணிக்கக்கூடிய லாங்-ரேஞ்ச் மைலேஜை வாரி வழங்குகிறது.
அதே சமயம், ஆரம்ப முதலீட்டை மிகவும் குறைவாக வைத்திருக்க நினைப்பவர்களுக்கு இதன் 3.1kWh பேட்டரி மாடல் கச்சிதமாகப் பொருந்துகிறது. சார்ஜிங் நேரத்தைப் பொறுத்தவரை, 5.2kWh பேட்டரி மிகப்பெரியது என்பதால் சிறிய பேட்டரியை விட முழுமையாக சார்ஜ் ஆக சற்று கூடுதல் நேரம் எடுத்துக்கொள்ளும். இதன் 3.1kWh பேட்டரி மாடலுக்கான அதிகாரப்பூர்வ டெலிவரிகள் வரும் டிசம்பர் 2026 முதல் தொடங்கப்படவுள்ளன. பட்ஜெட் விலையில் அதிக பேட்டரி திறன் தேடுபவர்களுக்கு இது ஒரு சிறந்த தேர்வாக அமைகிறது.
இ3 ட்ரையான் சீரிஸ்
பட்ஜெட் எலக்ட்ரிக் ஸ்கூட்டர் சந்தையில் அடுத்த முக்கிய வரவாக நுழைந்துள்ளது இ3 ட்ரையான் (E3 Trion) சீரிஸ் ஆகும். இதன் ஆரம்ப மாடலான ட்ரையான் சி1 (Trion C1) பெங்களூருவில் ரூ.1,09,999 எக்ஸ்-ஷோரூம் விலையிலும், இதன் டாப்-எண்ட் மாடலான ட்ரையான் சி2 (Trion C2) ரூ.1,19,999 எக்ஸ்-ஷோரூம் விலையிலும் கிடைக்கிறது.இந்த ஸ்கூட்டரின் மைலேஜ் நீங்கள் தேர்வு செய்யும் மாடல் மற்றும் பேட்டரி அமைப்பைப் பொறுத்து மாறுபடும் என்பதால், வாடிக்கையாளர்கள் தங்களின் தினசரி பயணத் தேவைக்கு ஏற்ப சிறந்த வேரியண்ட்டைத் தேர்வு செய்து கொள்ளலாம்.
இதன் சார்ஜிங் நேரமும் வண்டியில் பொருத்தப்பட்டுள்ள பேட்டரி மற்றும் சார்ஜிங் அமைப்பிற்கு ஏற்ப மாறுபடுகிறது. அன்றாட நகர்ப்புறப் பயன்பாடு, குறைந்த பராமரிப்புச் செலவு மற்றும் நவீன தொழில்நுட்ப வசதிகளை சமமாக விரும்பும் வாடிக்கையாளர்களுக்கு இந்த ட்ரையான் சீரிஸ் ஒரு புதிய மாற்றாக அமைந்துள்ளது.
இந்த மூன்றில் யாருக்கு எது பெஸ்ட்?
உங்களது பட்ஜெட் மிகவும் இறுக்கமாக உள்ளது, எண்பதாயிரம் ரூபாய்க்குள் ஒரு நவீன எலக்ட்ரிக் ஸ்கூட்டர் வேண்டும் என்று நினைத்தால் நீங்கள் தாராளமாக ஓலா S1 Z (Ola S1 Z - 3.1kWh) மாடலைத் தேர்வு செய்யலாம்.
அல்லது ரூ.1 லட்சத்திற்குள் மிக அதிகப்படியான 5.2kWh பேட்டரி திறன் வேண்டும் என்பவர்களுக்கும் இதன் டாப் மாடல் சிறந்த பலனைத் தரும். உங்களுக்கு புதிய பிராண்டுகள் வேண்டாம், நகர்ப்புற பயன்பாட்டிற்கு ஒரு மாறுபட்ட மற்றும் நவீன தொழில்நுட்ப வசதிகள் கொண்ட வண்டியைத் தேடினால், நீங்கள் இ3 ட்ரையான் சீரிஸ் (E3 Trion Series) மாடல்களைப் பரிசீலிக்கலாம்.
ஆனால், நீங்கள் வண்டியின் தரம், நிலைத்தன்மை மற்றும் நீண்ட கால பேட்டரி நம்பகத்தன்மைக்கு முக்கியத்துவம் கொடுப்பவர் என்றால், அத்துடன் ஒரு லட்சம் பட்ஜெட்டிற்குள் 200 கிமீ வரை சிறந்த மைலேஜ் ஆப்ஷனுடன் ஒரு பக்கா ஃபேமிலி இவி ஸ்கூட்டர் வேண்டும் என்று ஆசைப்பட்டால், உங்களுக்கு ஏத்தர் கோனார்க் (Ather Konarc) தான் தற்போதைய சந்தையில் மிகச்சிறந்த பெஸ்ட் சாய்ஸ்.