இது ‘ஸ்பார்க்’ டைம் ! யுவனின் மிரட்டல் இசையில் வெளியான கோட் படத்தின் 3-ஆம் பாடல்..!!

கோட் : வெங்கட் பிரபு இயக்கத்தில் விஜய் நடிப்பில் உருவாகி வரும் திரைப்படமான ‘கோட்’ திரைப்படத்திற்கு எதிர்ப்பார்ப்பு குவிந்து கொண்டே வருகிறது. இது வரை இந்த படத்தின்  ‘விசில் போடு’ மற்றும் ‘சின்ன சின்ன கண்கள்’ என 2 பாடல்கள் வெளியாகி ரசிகர்களிடையே மிகுந்த வரவேற்பை பெற்றது.

இந்நிலையில், நேற்றைய நாள் இப்படத்தின் 3-வது பாடலான ‘ஸ்பார்க்’ எனும் பாடல் நாளை அதாவது இன்று மாலை 6 மணிக்கு வெளியாகும் என படக்குழு வீடியோவுடன் கூடிய ப்ரோமோவை வெளியிட்டிருந்தனர். இந்த ப்ரோமோ வெளியானது முதல் இந்த பாடலுக்கு எதிர்ப்பார்ப்பு எகிறிவிட்டதென்றே கூறலாம்.

அதற்கு மிக முக்கிய காரணம், யுவன் ஷங்கர் ராஜா இந்த பாடலை பாடியிருக்கிறார் என்பது தான். இந்த நிலையில் தற்போது இந்த பாடல் யூட்யூபில் வெளியாகி இருக்கிறது. யுவனின் துள்ளலான இசையில் இந்த பாடலை கேட்கும் போது திரையரங்கில் இந்த பாடல் வேறு ராகத்தில் இருக்கும் என ரசிகர்கள் கூறி வருகின்றனர்.

மேலும், யுவனின் குரலும் மற்றும் கங்கை அமரனின் ஆங்கிலம் கலந்த தமிழ் வரிகளும் இந்த பாடலுக்கு மிகவும் பக்கபலமாய் அமைந்துள்ளது என்றே கூறலாம். தற்போது இந்த பாடல் வெளியான சில நிமிடங்களிலேயே பல்லாயிரம் பார்வையாளர்களை கடந்து ஓடிக் கொண்டிருக்கிறது, மேலும் மிக விரைவாகவே மில்லியன் பார்வையாளர்களை கடக்கும் என எதிர்ப்பார்க்கப்படுகிறது.