கோட் படம் தளபதி ரசிகர்களுக்கு விருந்து தான்! அசத்தல் அப்டேட் கொடுத்த மைக் மோகன்!

மைக் மோகன்: கோட் படத்தில் முக்கியமான கதாபாத்திரத்தில் நடித்து வரும் நடிகர் மோகன் சமீபத்தில் யூடியூப் சேனல் ஒன்றுக்கு பேட்டி கொடுத்த போது கோட் படம் பற்றி பேசி எதிர்பார்ப்பை அதிகப்படுத்தியிருக்கிறார். இது குறித்து பேசிய நடிகர் மைக் மோகன், “நான் சமீபத்தில் கோட்படத்தின் படப்பிடிப்பிற்காக ஸ்ரீலங்காவிற்கு சென்றேன்.

படம் மிகவும் அருமையாக உருவாகி வருகிறது கண்டிப்பாக விஜய் ரசிகர்களுக்கு இந்த படம் விருந்தாக அமையும். கோட் படத்தில் நான் தாடி வைத்துக் கொண்டு நடித்து வருகிறேன். என்னுடைய கதாபாத்திரம் மிகவும் சுவாரசியமாக இருக்கும் இதற்கு முன்னதாக வெங்கட் பிரபு என்னை அவருடைய படத்தில் நடிக்க அணுகி இருக்கிறார்.

ஆனால் என்னால் அப்போது முடியாமல் போனது இந்த படத்தில் எனக்கு நல்ல கதாபாத்திரமும் சரியான கால் சீட்டும் கிடைத்ததால் படத்தில் நடித்திருக்கிறேன். விஜய் மிகவும் எளிமையாக பழகும் நபர் கோட் படப்பிடிப்பு மிகவும் ஜாலியாக இருந்து வருகிறது”, என்று அவர் கூறியுள்ளார். விஜய் நடித்துள்ள கோட் படம் வருகிற செப்டம்பர் 5-ம் தேதி அன்று திரையரங்குகளில் வெளியாக உள்ளது என்பது குறிப்பிடப்பட்டது.