துல்லிய இசை…உருக வைக்கும் ‘காதலிக்க நேரமில்லை’ கிளிம்ப்ஸ் வீடியோ!!

காதலிக்க நேரமில்லை : இயக்குனர் கிருத்திகா உதயநிதி ஸ்டாலின் தற்போது நடிகர் ஜெயம் ரவியை வைத்து இயக்கி வரும் திரைப்படம் “காதலிக்க நேரமில்லை”. இந்த திரைப்படத்தில் ஜெயம் ரவிக்கு ஜோடியாக நடிகை நித்யா மேனன் நடித்து வருகிறார். தி.ஜா. பானு, யோகி பாபு, லால், வினய் ராய் உள்ளிட்ட பல பிரபலங்கள் முக்கியமான கதாபாத்திரங்களில் நடித்து இருக்கிறார்கள்.

படத்தினை ரெட் ஜெயண்ட் மூவிஸ் நிறுவனம் தயாரிக்கிறது. படத்திற்கு இசையமைப்பாளர் ஏ.ஆர்.ரஹ்மான் இசையமைத்து வருகிறார். காதல் கதையை மையமாக வைத்து இந்த திரைப்படம் எடுக்கப்பட்டு வருவதாக தெரிகிறது. ஏற்கனவே, ரொமாண்டிக்கான பர்ஸ்ட் லுக் போஸ்டர் கூட கடந்த ஆண்டு வெளியாகி இருந்தது.

அதனை தொடர்ந்து, படத்திற்கான சின்ன கிலிம்ப்ஸ் (Kadhalikka Neramillai) வீடியோவை படக்குழு வெளியிட்டுள்ளனர். வீடியோவில் நடிகர் ஜெயம் ரவி மற்றும் நித்யாமேனன் இருவரும் ஊஞ்சலில் அமர்ந்து கொண்டு இருப்பது போல காட்சி இடம்பெற்றுள்ளது. அத்துடன் ஏ.ஆர்.ரஹ்மான் குரலில் வரும் இசையும் ரசிகர்களை வெகுவாக கவர்ந்துள்ளது.

படத்தின் ஆடியோ உரிமையை பிரபல நிறுவனமான டி-சீரிஸ் தமிழ் வாங்கியுள்ளதாகவும், கிலிம்ப்ஸ் வீடியோ மூலம் அறிவிக்கப்பட்டுள்ளது. இதில் வரும் இசை படத்தின் மீதும், படத்தில் இடம்பெறும் பாடல்கள் மீதும் இருக்கும் எதிர்பார்ப்பையும் அதிகப்படுத்தியுள்ளது. விரைவில் படம் எப்போது வெளியாகும் என்பதற்கான ரிலீஸ் தேதி அறிவிக்கப்படும் எனவும் எதிர்பார்க்கப்படுகிறது.