Ladies Finger Pakoda : உங்க வீட்டில வெண்டைக்காய் இருக்கா..? அப்ப இந்த ரெசிபியை ட்ரை பண்ணி பாருங்க..!
நமது அனைவரது வீடுகளிலேயும் வெண்டைக்காயை வைத்து பல்வேறு வகையான சமையல் செய்வது வழக்கம். அந்த வகையில், பொரியல், வறுவல், குழம்பு போன்ற உணவு வகைகளை செய்கிறோம். வெண்டைக்காயில் வைட்டமின் A, C, K மற்றும் ஃபோலிக் அமிலம் போன்ற வைட்டமின்கள் மற்றும் தாதுக்கள் நிறைந்ததுள்ளது. அதே போல் இது உடல் ஆரோக்கியத்தையும் மேம்படுத்தக் கூடியது.
வெண்டைக்காயின் நன்மைகள்
வெண்டைக்காய்யில் உள்ள நார்ச்சத்து கொலஸ்ட்ராலின் அளவைக் குறைக்க உதவுகிறது. இரத்த சர்க்கரை அளவைக் கட்டுப்படுத்துகிறது. இது செரிமானத்தை மேம்படுத்தவும், மலச்சிக்கலைத் தடுக்கவும் உதவுகிறது. மேலும், இது உடல் ஆரோக்கியத்தை மேம்படுத்துகிறது. தற்போது இந்த பதிவில் வெண்டைக்காயை வைத்து பக்கோடா செய்வது எப்படி என்று பார்ப்போம்.
தேவையானவை
- வெண்டைக்காய் – கால் கிலோ
- மஞ்சள் தூள் – 1 ஸ்பூன்
- மிளகாய் தூள் = 1ஸ்பூன்
- உப்பு – தேவையான அளவு
- ரவை – 2 ஸ்பூன்
- காஷ்மீரி மிளகாய் தூள் – அரை ஸ்பூன்
- கடலை மாவு – 2 ஸ்பூன்
- அரிசி மாவு – 2 ஸ்பூன்
Ladies Finger Pakoda செய்முறை
முதலில் வெண்டைக்காயை வட்டமாக வெட்டி வைத்துக் கொள்ள வேண்டும். பின் அதனுள், மஞ்சள் தூள், மிளகாய் தூள், உப்பு சேர்த்து கிளறி கொள்ள வேண்டும். பின் ரவை, காஷ்மீரி மிளகாய் தூள், கடலை மாவு, அரிசி மாவு ஆகியவற்றை நன்கு பக்கோடா பருவத்தில் கிளறி வைத்துக் கொள்ள வேண்டும்.
பின் சற்று நேரம் ஊற விட்டு, ஒரு கடாயில் எண்ணெய் ஊற்றி, எண்ணெய் கொதித்தவுடன் அதனுள் வெண்டைக்காயை போட்டு மொறுமொறு என பொரித்து எடுத்துக் கொள்ள வேண்டும். இப்பொது சுவையான வெண்டைக்காய் பக்கோடா தயார்.
இந்த வெண்டைக்காய் பக்கோடாவை நாம் சாதத்துடனும் சாப்பிடலாம். நாம் கடைகளில் விதவிதமாக பக்கோடா வாங்கி சாப்பிடுவதற்கு பதிலாக, வீட்டிலேயே பக்கோடா செய்து சாப்பிட்டால், சுத்தமாகவும் சாப்பிடலாம், அதிகப்படியான செலவும் மிச்சமாகும்.
